ކައިވެނި ޕާޓީ ހަފުލާތަކުގައި ބޭނުން ކުރާ ބްރައިޑަލް ބޮކޭ ހަދަން ދަސްކޮށްދޭ ކޯހެއް އައްޑޫގައި ބާއްވަން ނިންމައި، އެ ކޯހަށް ކުރިމަތިލުމުފެ ފުރުސަތު އައްޑޫގެ އަންހެނުންގެ ތަރައްގީ އަށް މަސައްކަތް ކުރާ ކޮމިޓީން ހުޅުވާލައިފި އެވެ.
އެ ކޮމިޓީން ނެރުނު އިއުލާނެއްގައި ބުނީ ކޯހުގައި ބައިވެރިވާން އެދޭ ފޯމް އަވަށްތަކުގެ އަވަށު އޮފީސްތަކުން މިހާރު ދޫކުރަމުން އަންނަ ކަމަށާއި ފޯމް މި މަހުގެ 20 ގެ ކުރިން ހުށަހަޅަން ޖެހޭނެ ކަމަށެވެ.
އައްޑޫގެ ހުރިހާ އަވަށެއްގެ އަންހެނުންނަށް ހުޅުވާލައިގެން ބާއްވާ ކޯހުގައި ކޮންމެ އަވަށަކުން ފުރުސަތު ދޭން ނިންމާފައި ވަނީ 10 މީހަކަށެވެ. އަދި ކޯހުގެ ފީގެ ގޮތުގައި 500ރ. ދައްކަން ޖެހެ އެވެ.
ބްރައިޑަލް ބޮކޭ ހަދަން ދަސްކޮށްދޭ ކޯހަކީ އަންހެނުންގެ ތަރައްގީ އަށް މަސައްކަތް ކުރާ ކޮމިޓީ އާއި އައްޑޫ ސިޓީ ކައުންސިލް ގުޅިގެން ހިންގަން ހަމަޖެހިފައިވާ ކޯހެކެވެ.
ކޯހާ ބެހޭ އިތުރު މައުލޫމާތު 7600035 އަށް ގުޅައިގެން ހޯދޭނެ އެވެ.