އައްޑޫގައި ތިބި ޔަތީމު ކުދިންނަށް އެހީތެރިކަން ފޯރުކޮށް ދިނުމަށްޓަކައި، އެފަދަ ކުދިން ރަޖިސްޓްރީ ކުރުމުގެ ފުރުސަތު ހުޅުވާލައިފި އެވެ.
ނޫރުލް އިސްލާމް ޖަމިއްޔާ އާއި މަހަލްދީބް ފައުންޑޭޝަން ގުޅިގެން ވަނީ ޔަތީމު ކުދިންގެ ދަފުތަރެއް އެކުލަވާލަން ނިންމައިފަ އެވެ.
އެ ދެ ޖަމިއްޔާ އިން ބުނީ ދަފުތަރުގައި ރަޖިސްޓްރީ ކުރެވޭނީ ބައްޕަ މަރުވެފައިވާ ކުދިންގެ ތެރެއިން އުމުރުން 15 އަހަރުން ދަށުގެ ކުދިން ކަމަށެވެ.
ރަޖިސްޓްރީވުމަށް އެދޭ ފޯމް މިހާރު ނޫރުލް އިސްލާމް ޖަމިއްޔާގެ ފޭސްބުކް ޕޭޖުން ޑައުންލޯޑް ވެސް ކުރެވޭނެ އެވެ.
މިކަމާ ބެހޭ އިތުރު މައުލޫމާތު 7636649، 7713663 އަދި 9992205 އަށް ގުޅައިގެން ހޯދޭނެ އެވެ.