އައްޑޫގައި އަންނަ މަހުގެ ހަތަރު ވަނަ ދުވަހު ބާއްވަން ނިންމި "އައްޑޫ އިންވެސްޓާސް" ފޯރަމް ވަކި ތާރީހެއް ނެތް ގޮތަށް ފަސްކޮށްފި އެވެ.
އެކަން ފޯރަމްގައި ބައިވެރިވާ ފަރާތްތަކަށް ވެސް މިހާރު ވަނީ އަންގާފަ އެވެ. އެކަމަކު ފޯރަމް ފަސް ކުރި ސަބަބެއް ނޭނގެ އެވެ.
އައްޑޫ އިންވެސްޓާސް ފޯރަމަކީ ޓޫރިޒަމް މިނިސްޓްރީ އާއި މޯލްޑިވްސް އިންޓެގްރޭޓެޑް ޓޫރިޒަމް ޑިވެލޮޕްމަންޓް ކޯޕަރޭޝަން (އެމްއައިޓީޑީސީ) ގުޅިގެންނެވެ.
ގަމުގެ އީކްއޭޓަ ވިލެޖްގައި އަންނަ މަހުގެ ހަތަރު ވަނަ ދުވަހު "އައްޑޫ އިންވެސްޓާސް ފޯރަމް" ގެ މައިގަނޑު މަގުސަދަކީ އިންޓަގްރޭޓެޑް ޓޫރިޒަމްގެ ދަށުން އައްޑޫގެ މެދު ފަންތީގެ ޓޫރިޒަމަށް ބެޑް ކެޕޭސިޓީ އިތުރުކޮށް، ޓޫރިޒަމް ދާއިރާ ފުޅާކުރެވޭނެ ގޮތްތައް ފަހިކުރުން ކަމަށް މިނިސްޓްރީން ބުނެފައިވެ އެވެ.
މި ފޯރަމްގައި ރާއްޖެ އާއި ރާއްޖޭން ބޭރުގެ އިންވެސްޓަރުން ބައިވެރިވާނެ ކަމަށް އެމްއައިޓީޑީސީން ވެސް ބުންޏެވެ.
އޭގެ ތެރޭގައި ގެސްޓްހައުސް ހިންގާ ފަރާތްތަކާއި، ޓުއާ އޮޕަރޭޓަރުންނާއި ރާއްޖެ އާއި ރާއްޖެއިން ބޭރުގެ ބައެއް ބޭންކުތަކާއި ޓޫރިޒަމް ދާއިރާގެ ހަރަކާތްތެރިވާ މީހުން ހިމެނެ އެވެ.