މައިލޯ އިންޓަރ ސްކޫލް ފުޓްބޯޅަ މުބާރާތުގައި މިއަދު ހަވީރު އައްޑޫ ހައިސްކޫލް އާއި ހިތަދޫ ސްކޫލް ބައްދަލު ކުރި މެޗް ބޮޑު ތަފާތަކުން ހައި ސްކޫލް ކާމިޔާބްކޮށްފިއެވެ.
ހައި ސްކޫލް މެޗް ކާމިޔާބް ކުރީ ހިތަދޫ ސްކޫލް ކޮޅަށް 18 ގޯލް ޖަހައިގެންނެވެ. މެޗްގެ ކޮންމެ ހާފެއްގައި ހައި ސްކޫލުން ވަނީ 9 ލަނޑު ޖަހާފައެވެ. މިއީ މިފަހަރުގެ މުބާރާތުގައި އެންމެ ގިނަ ލަނޑު ޖެހި މެޗެވެ. މި މެޗްގައި ހައި ސްކޫލްގެ ހާޒިމް ފައުޒީ 4 ލަނޑު ޖެހި އިރު އަލީ ދާއިމް އާއި ރަފާހު އިބްރާހިމް ވަނީ ހެޓްރިކް ހަދާފައެވެ. އަދި ޒަޔާން ރަޝީދު އާއި މުހައްމަދު ފާޒިލް ފާރޫގު ވަނީ 2 ގޯލް ޖަހާފައެވެ.
އައްޑޫ ހައި ސްކޫލަށް ދެން ލަނޑު ޖަހާ ދިނީ މުހައްމަދު އަލްސަން ޝަނީޒް އާއި މުހައްމަދު ޒަޔާންއެވެ.
ހިތަދޫ ސްކޫލުން ޖެހި 2 ލަނޑު ޖަހާދީފައިވަނީ އަލީ ޝިމާއު ޒުބައިރު އާއި އަލީ ފައުޒީއެވެ.
މުބާރާތުގައި މާދަމާ ހަވީރު ބައްދަލުކުރާނީ ފޭދޫ ސްކޫލް އާއި ޝަރަފުއްދީން ސްކޫލްއެވެ.