ބަނޑު ހަރުވުމަށް ދިމާވާ އެންމެ ބޮޑު މައްސަލައަކީ ހަށިގަނޑަށް ބޭނުންވާ މިންވަރަށް ފައިބާ ހުންނަ ކާނާ ނުކެއުމެވެ. ތިރީގައި މިވަނީ ފަސޭހައިން ބޮޑުކަމުދިއުމަށް ކެއުން ވަރަށް ރަނގަޅު ހަ ކާނާއެކެވެ.
1. އާފަލު
އާފަލަކީ ބަނޑުހަރުވުމުން ދުރުހެލި ކޮށްދޭ މޭވާއެކެވެ. އެއީ އެއް އާފަލުގައި ގާތްގަނޑަކަށް 4.5 ގްރާމް ގެ ފައިބާ ހުންނާތީ އެވެ.
2. އޮރެންޖް
އެއް އޮރެންޖްގައި ހިމެނެނީ ހަތަރު ގްރާމް ފައިބާ އެވެ. އަދި އޮރެންޖަކީ ކެލޮރީ ވެސް މަދުން ހުންނަ އެއްޗެކެވެ. މީގެ އިތުރުންވެސް އޮރެންޖް ގައި އެކުލެވިގެންވާ ފްލެވިނޯލް މާއްދާ އަކީ ބޮޑުކަމުދިއުމަށް ފަސޭހަ ކޮށްދޭ އެއްޗެކެވެ.
3. ޕޮޕްކޯން
އެއް ޖޯޑް ޕޮޕްކޯން ގައި އެއް ގްރަމް ފައިބާ ހުންނައިރު، އިތުރު އެއްވެސް ފްލޭވާ އަކާއި ނުލައި ކާނަމަ ޕޮޕްކޯން އަކީ ކެލޮރީވެސް މަދު އެއްޗެކެވެ.
4. އޯޓްސް
ކުޑަ އެއް ޖޯޑް އޯޓްސްގައި ދެ ގްރާމް ސޮލިއުބަލް އަދި އިންސޮލިއުބަލް ފައިބާ އެކުލެވިގެން ވެއެވެ. އޭގެ ސަބަބުން ކުޑަކަމުދިއުމުގައި ފަސޭހަވެގެން ދެއެވެ.
5. ފްލެކްސް ސީޑްސް
މިއީ ގިނަ އަދަދަކަށް އޮމެގާ 3 ފެޓީ އެސިޑްސް އާއި ފައިބާ އެކުލެވިގެންވާ އެއްޗެކެވެ. ހިކިކޮށް ފިހައިގެން އެއް ސަމުސާ ފްލެކްސް ސީޑްސް ކެއުމުން ދެ ގްރާމް ފައިބާ ލިބޭނެއެވެ.
6. އެލޯ ވޭރާ
އެލޯ ވޭރާ އަކީ ހަންގަނޑަށައި އިސްތަށިގަނޑަށް ވަރަށް ރަނގަޅު އެއްޗަކަށް ވުމުގެ އިތުރުން، ފަސޭހަކަމާއި އެކު ބޮޑުކަމުދިއުމަށް އެހީތެރިވެދޭ އެއްޗެކެވެ.