ވަރަށް ގިނަ ބަޔަކު ހަށިގަނޑުގެ ބަރުދަން ލުއިކުރުމަށް ބުރަ މަސައްކަތެއް ކުރަމުންދާއިރު އެހާމެ ގިނަ ބަޔަކު ކިތަންމެ ބަރުދަން ތަންކޮޅެއް އިތުރުކުރުމަށް މަސައްކަތް ކުރަމުންދެއެވެ.
ނަމަވެސް އެތައް އަހަރެއް ވެގެންދާއިރުވެސް ކާމިޔާބީއެއް ލިބިފައިނުވާ މީހުން ގިނައެވެ. ސައިންސްވެރިން މިކަމާއި ބެހޭގޮތުން ބުނެފައިވަނީ އަވަހަށް ފަލަ ނުވަނީ މީހާގެ މެޓަބޮލިސަމް ރޭޓް މަތިވުމުންނެވެ. އެހެންނަމަވެސް މިކަމަށް ހައްލު ހޯދުމަށް ކެއުން ރަނގަޅު ބައެއް ތަކެތި ހޯދިފައިވެއެވެ.
1. ކަނޑު މަސް
ކަނޑުމަސް، ޚާއްސަކޮށް ކަޅުބިލަ މަހަކީ އަޅުގަނޑުމެން ދިވެހިންނާއި ވަރަށް ރަށްޓެހި އެއްޗެކެވެ. ހަށިގަނޑަށް ފައިދާހުރި އެއްޗެއް ނަމަވެސް ކަޅުބިލަ މަސް ނުވަތަ މަސްދަޅުން ސަލަޑު ހެދުމަކީ ފަލަވުމަށް މަގުފަހިވާ ކަމެކެވެ. މެޔޮނެއިސްއާއި އެއްކުރުމުން 10 ގުރާމުގެ ފެޓް އަދި އިތުރު 90 ކެލޮރީސް ލިބިގެންދާނެއެވެ.
2. ނިއުޓްރިޝަން ފެން
ނިއުޓްރިޝަން ފެނަކީ ކަރުހިއްކުން ފިލުވައިދޭ އަދި ސިއްހަތު ރަނގަޅު ކޮށްލުމަށް ބުއިން ރަނގަޅު ފެނެކެވެ. ތަފާތު އެތަކެއް ނިއުޓްރިޝަނެއް އެކުލެވޭ މީގެ ފެންފުޅިއަކީ މެންދުރުގެ ހޫނުގައި ވަޒީފާގެ ފޫހިކަން މީހާއަށް ކުރިމަތިވުމުން ބޮއެލަން އެންމެ ރަނގަޅު ބުއިމެވެ.
3. ޗޮކްލެޓް
ޗޮކުލެޓުގެ ތެރެއިންވެސް ކޮކޯ ގިނަ ޗޮކުލެޓަކީ ވަރަށް އަވަހަށް މިހާގެ ސިއްހަތު ރަނގަޅު ކޮށްލުމަށް އެހީތެރިވެދޭ އެއްޗެކެވެ. ސައިންސްވެރިން ބުނެފައިވަނީ މިފަދަ ޗޮކްލެޓުގައި "ޕޮލީފެނޮލްސް" ކިޔާ މާއްދާއެއްގެ ސަބަބުން ލޭގެ ޕްރެޝަރު ދަށް ކޮށްދެއެވެ. ނަމަވެސް އާދަކޮށް ގިނައިން ޗޮކްލެޓު ކެއުމަކީ ރަނގަޅު ކަމެއް ނޫނެވެ. ހަކުރު ގިނައަދަދަކަށް ހިމެނޭ ޗޮކްލެޓަކީ މެދު މިނެއްގައި ހިފަހައްޓައިގެން އާދަކޮށް ކާ އެއްޗަކަށް ވެއްޖެނަމަ ވަރަށް އަވަހަށް ފަލަ ވާން ފަށާނެއެވެ.
4. ނަޓްސް
ނަޓްސް އަކީ ހަށިގަނޑަށް ފައިދާހުރި ފެޓްސް ގިނަ އެއްޗެކެވެ. އާންމުގޮތެއްގައި ނަޓްސް ކެއުމަކީ ހަށިގަނޑަށް ވަރަށް ފައިދާ ހުރި ކަމެކެވެ.
5. އެވޮކާޑޯ
އެވޮކާޑޯއަކީ ހަށިގަނޑަށް އެންމެ ފައިދާހުރި އެއް މޭވާއެވެ. 10 ގުރާމުގެ ފައިބާ އެކުލެވޭ މިމޭވާ އަކީ ދޮންކެޔޮވަކެއްގައި ހުންނަ ޕޮޓޭސިއަމްގެ ދެގުނަ ހުންނަ މޭވާއެކެވެ. ކޮލެސްޓްރޮލް ލެވެލް ދަށް ކޮށްދޭ، ކެންސަރު ޖެހުން ދަށްކޮށްދޭ އަދި ހަކުރު ބަލި ޖެހުންވެސް ދަށްކޮށްދޭ މިމޭވާ އަކީ ގިނަ ބަޔަކު ދުރުވެގެން އުޅުނަސް ވީހާވެސް ކައިރިވާންވީ މޭވާއެކެވެ. އެވޮކާޑޯގައި ހުންނަ ފެޓްސް އަކީ ލޭމައްޗަށް ދިއުންފަދަ ކަންތައްތަކުން ސަލާމަަތްކޮށްދޭ އެހެން ނަމަވެސް ބަރުދަން އިތުރުކޮށްދޭ މާއްދާއެކެވެ.