މި އަހަރު އެންމެ އުންމީދީ އެއް ފިލްމް ކަމަށްވާ އަދި ވަރަށް ގިނަ ބަޔަކު ކެތްތެރި ކަމެއް ނެތި އިންތިޒާރު ކުރަމުން އަންނަ ފިލްމް "ބާހްބަލީ 2" ގެ ޓްރެއިލާ މިއަދު ދައްކާލައިފި އެވެ.
ކުރިން ވެސް ނިންމާފައި އޮތީ ޓްރެއިލާ މިއަދު ނެރޭ ގޮތަށެވެ. "ބާހްބަލީ 2" ގެ ޓްރެއިލާ ރިލީޒް ކުރުމާ އެކު، އެތައް ބައެއްގެ ތައުރީފް ވަނީ އެއަށް އޮހެން ފަށައިފަ އެވެ.
ދެހާސް ފަނަރަ ވަނަ އަހަރު ރިލީޒް ކުރި "ބާހްބަލީ" އަކީ ބޮކްސް އޮފީހުގައި ބޮޑު އާމްދަނީއެއް ވަރަށް ކާމިޔާބު އަދި އެހާމެ މޮޅު ފިލްމެކެވެ.
މި ފިލްމަކީ އެސްއެސް ރާޖަމޯލީ ޑައިރެކްޓްކޮށްފައިވާ ފިލްމެކެވެ.
ފިލްމުގެ ފަހު ބައި "ބާހްބަލީ 2" އިން ވެސް ފެނިގެން ދާނީ މައިގަނޑު ގޮތެއްގައި ފުރަތަމަ ބައިން ފެނުނު ތަރިންނެވެ. އޭގެ ތެރޭގައޮި ޕްރަބާސް، ރާނާ ދަގޫޕަތީ، ތަމަންނާ ބާޓިއާ، އަނުޝްކާ ޝެޓީ އަދި ރާމިއާ ކްރިޝްނަން ހިމެނެ އެވެ.
"ބާހްބަލީ 2" ސިނަމާތަކަށް އަންނާނީ އަންނަ މަހުގެ 28 ގަ އެވެ.