ރާއްޖޭގައި ހަލުވިކަމާ އެކު ފެތުރެމުންދާ ސްވައިން ފްލޫ އާއި ހުމާއި ރޯގާ އިން ދިފާއުވުމުގެ ގޮތުން މާބަނޑު މީހުންނަށް އިންފުލުއެންޒާ ވެކްސިން އައްޑޫގައި ވެސް ދޭން ފަށައިފިއެވެ.
ހިތަދޫ ހޮސްޕިޓަލުން މައުލޫމާތު ދޭ ގޮތުގައި އައްޑޫގެ ހުރިހާ ސިއްހީ މަރުކަޒުތަކުންނާއި، ހިތަދޫ ރީޖަނަލް ހޮސްޕިޓަލުން އިންފްލުއެންޒާ ވެކްސިން ޖެހޭނެ އިންތިޒާމު މިހާރު ވަނީ ހަމަޖައްސާފައެވެ.
ހޮސްޕިޓަލުގެ މައުލޫމާތު ތައް ބުނާ ގޮތުން އައްޑޫގައި މިވަގުތު ގާތްގަނޑަކަށް 140 އެއްހާ މާބަނޑު މީހުން އެބަތިއްބެވެ.
އިންފްލުއެންޒާ ވެކްސިން ދިނުމުގައި އިސްކަންދެނީ މާބަނޑު މީހުންގެ ތެރެއިން ފަހު ތިންމަސް ދުވަސް ގުނަމުންދާ މީހުންނަށެވެ. އެހެން ނަމަވެސް ރަށުން ބޭރަށް ކޮންމެހެން ދަތުރުކުރަން ޖެހޭ މާބަނޑު މީހުންނަށް ވެކްސިން ޖަހައިދޭ ގޮތަށް ވަނީ ހަމަޖެހިފައެވެ.