ޕީޕީއެމްގެ ނައިބު ލީޑަރު އަބްދުއްރަހީމް އަބްދުﷲ ކުރީގެ ރައީސުންގެ އިނާޔަތްތައް "ހާލަތާގުޅޭ ގޮތުން" ދިނުމަށް ގޮވާލި ޓުވީޓަށް ރައީސް މައުމޫންގެ ދަރިކަނބަލުން އަދި ޕީޕީއެމްގެ ކައުންސިލް މެމްބަރު ޔުމްނާ މައުމޫން ރައްދުދީފިއެވެ.
ޔުމްނާ ކުރި ޓުވީޓުގައި ކުރީގެ ރައީސުންނަށް ގާނޫނު އަސާސީއިން ލިބެން ޖެހޭނެ ކަމަށް ބަޔާންކުރާ މެޑިކަލް އެލޮވެންސާއި ސެކިއުރިޓީ ކަނޑާލާފައިވަނީ ގާނޫނު ބަދަލުނުކޮށްތޯ ސުވާލުކޮށްފައިވެއެވެ.
Kureege Raeesunge medical allowance aa security aa kandaaly ganoonu islaahu nukoshey tho thi vidhaalhuvy? https://t.co/FFgjqRRCpz
— Yumna Maumoon 🇲🇻 🤝🇵🇸 (@yumna_maumoon) March 20, 2017
ކުރީގެ ރައީސުންނަށް ދޭން ޖެހޭ އެލޮވެންސްތައް ގާނޫނު އަސާސީގައި ބަޔާންކޮށްފައިވާ ގޮތަށް ކުރީގެ ރައީސް މުހައްމަދު ނަޝީދަށްވެސް މިސަރުކާރުން ނުދޭ ކަމަށް ކުރިން އެމްޑީޕީއިން ވަނީ ބުނެފައެވެ.
ނަމަވެސް ނަޝީދު ވަނީ ބައިތުލްމާލުގައި އޭނާ ކުރާ މަސައްކަތަކީ ފައިސާއާއި މުދާ ހޯދުމަށް ކުރާ މަސައްކަތެއް ނޫން ކަމަށާއި އިނާޔަތް ކެނޑިއަސް މައްސަލައެއް ނެތް ކަމަށް ބުނެފައެވެ.