ފަޅޮޅަކީ އެންމެންނަށް ވެސް ވަރަށް މީރު މޭވާއެކެވެ. ރާއްޖޭގައި ވަރަށް އާންމުކޮށް ހެދޭ މި ބާވަތަކީ ރަށްރަށުގެ ކޮންމެ ގޭބިސީއެއްގައި ކަހަލަ ގޮތަކަށް ވެސް ހުންނަ ގަހެކެވެ.
އެހެންވެ މިހާރު މިއޮތީ ހަމައެކަނި ފަޅޮލުގެ ފައިދާގެ ވާހަކައެއް ނޫނެވެ. ފަޅޯ ފަތުގެ ފައިދާގެ ވާހަކަތައް ވެސް ދައްކަން އެބަ ޖެހެ އެެވެ.
ސިއްހީ ތަޖުރިބާކާރުން ބުނާ ގޮތުގައި ފަޅޯފަތު ޖޫހަކީ ސިއްހަތަށް ވަރަށް ފައިދާ ހުރި ބުއިމެކެވެ. އެހެންވެ ފަޅޯފަތުން ޖޫސް ގިރައިގެން އާދަކޮށް ބޯ ނަމަ ސިއްހީ ގިނަގުނަ ފައިދާތަކެއް ލިއްބައިދެ އެވެ.
ފަޅޯފަތު ޖޫހުގެ ފައިދާތަކަށް ބަލާ އިރު، މިއީ އާންމުކޮށް ޖެހޭ ގިނަ ބަލިތަކުން ރައްކާތެރިކޮށް ދިނުމަށް ބާރު އަޅައިދޭ ބުއިމެކެވެ. އެހެންވެ މި ޖޫސް ބޯން އާދަ ކުރަމާ ހިނގާށެވެ.
ފަޅޯފަތު ޖޫހުގެ ފައިދާތަކުގެ ތެރޭގައި މައިދާ އަށް ކެންސަރު ޖެހުމުން ދުރުކޮށް ދިނުމާއި ލޭގެ ކޮލިޓީ ރަނގަޅުކޮށް ދިނުމާއި ހަޖަމު ކުރުމުގެ ނިޒާމަށް ޖެހޭ މައްސަލަތައް ހަމައަކަށް އަޅުވައި ދިނުން ހިމެނެ އެވެ.
މީގެ އިތުރުން ގަވައިދުން ފަޅޯފަތު ޖޫސް ބޯ ނަމަ، ހަށިގަނޑުގައި ހަކުރު އެކުލެވޭ މިންވަރު ކޮންޓްރޯލްކޮށްދެ އެވެ. އެހެންވެ މިއީ ހަކުރު ބަލީގެ މީހުންނަށް ވެސް ފައިދާ ހުރި ބުއިމެކެވެ.
ފަޅޯފަތު ޖޫހޭ ބުނުމުން ބޯން ފަހަރުގައި އުނދަގޫ ވެދާނެ އެވެ. އެކަމަކު ތަޖުރިބާކޮށްލުން ކިހިނެއް ވާނެ ބާވަ އެވެ؟