ސްޓާ ޕްލަސް އިން މީގެ އަހަރުތަކެއް ކުރިން ދެއްކި "އޭކް ލާކޯ މޭ މޭރޭ ބެހެނާ" އާއި ޒީ ޓީވީން މިހާރު ދައްކަމުން އަންނަ ޑްރާމާ ސިލްސިލާ "ޖަމާއީ ރާޖާ" ގެ ބަތަލާ ނިއާ ޝަރްމާ ޗުއްޓީ އަށް ރާއްޖެ އަތުވެއްޖެ އެވެ.
އޭނާގެ އިސްޓަގްރާމްގައި ވަނީ ޗުއްޓީ ހޭދަ ކުރަމުންދާ ރިސޯޓްގައި ނަގާފައިވާ ގިނަ ފޮޓޯތަކެއް ފޭނުންނާ ހިއްސާކޮށްފަ އެވެ. އޭގެ ތެރޭގައި ޖެޓް ސްކީ ދުއްވާ ފޮޓޯ އާއި ފްލައި ބޯޑިން ހަދާ ފޮޓޯތައް ނިއާ ވަނީ އިސްޓަގްރާމްކޮށްފަ އެވެ.
އިންޑިއާގެ ޓީވީ ތަރިންގެ ތެރޭގައި ހިމެނޭ އެންމެ މަޝްހޫރު އަދި އެންމެ "ސެކްސީ" އެއް ބަތަލާއަކީ ނިއާ އެވެ.
ބައެއް ފަހަރު އޭނާ ސޯޝަލް މީޑިއާގައި ހިއްސާ ކުރާ ފޮޓޯތަކާއި ވީޑިއޯތަކުން އާންމުންގެ ފާޑު ކިޔުންތައް ވެސް އަމާޒުވެ އެވެ. ހާއްސަކޮށް ވަރަށް ނިވާކަން ކުޑަކޮށް ފޮޓޯތައް ނަގައި، ސޯޝަލް މީޑިއާ އަށް ލާތީ ފަހަކަށް އައިސް މި ބަތަލާ އަށް ވަނީ ވަރަށް ގިނަ ބައެއްގެ ފާޑު ކިޔުންތަކެއް އަމާޒުވެފަ އެވެ.
ނިއާ ވަނީ ދާދި ފަހުން މަޝްހޫރު ޑައިރެކްޓަރު ވިކްރަމް ބަޓްގެ ވެބް ސީރީޒްތަކުގެ ތެރޭގައި ހިމެނޭ ކުރު ފިލްމް "ޓްވިސްޓް" ގައި މަސައްކަތްކޮށްފަ އެވެ.