ތިރީގައި މިވާ މީރު ބުއިންތަކަކީ ޑޮކްޓަރުންވެސް ލަފާދޭ، ފަސޭހައިން ބަރުދަން ލުއިކޮށްދޭ ބުއިންތަކެކެވެ. މި ބުއިންތަކަކީ މެޓަބޮލިޒަމް އަވަސް ކޮށްދީ، ހަށިގަނޑުން ވިރުވާ ފެޓްސް ގެ މިންވަރު އިތުރުކޮށްދޭ ބުއިންތަކެކެވެ.
1. ޕެޕާމިންޓް ގްރީން ޓީ
މައިގަނޑު އިންގްރިޑިއެންޓް ކަމަށްވާ ގްރީން ޓީ އަކީ ފެޓް އޮކްސިޑޭޝަން އަވަސްކޮށްދޭ އެއްޗެކެވެ. އަދި މިންޓް (އާވި) އާއި ލުނބޯ އަކީ އިންފްލެމޭޝަން (ދުޅަވުން) އިން މީހާ ދުރުކޮށްދީ، މެޓަބޮލިޒަމް އަވަސްކޮށްދޭ އެއްޗެކެވެ.
ތައްޔާރު ކުރާނެ ގޮތް:
ހަތް ޖޯޑު ގްރީން ޓީ ޖަގަކަށް އެޅުމަށްފަހު، އޭގެ ތެރެއަށް އާވި ފަތާއި ލުނބޯ ފޮތިތައް އަޅާށެވެ. އާދިއްތަ ދުވަހުގެ ރޭ ފްރިޖަށް ލުމަށްފަހު ހަފްތާއެއް ވަންދެން ކޮންމެ ދުވަހަކު އޭގެއިން އެއްތަށި ބޯށެވެ.
2. ސްޓްރޯބެރީ ސްމޫތީ
ހަށިގަނޑުގެ މަސްތައް ވަރުގަދަ ކުރެވެނީ ގިނަގިނައިން ޕްރޮޓީން ކެއުމުންނެވެ. މި މިލްކްޝޭކް އަކީ ޕްރޮޓީން ލިއްބައިދޭ މިންވަރު އިތުރު ކޮށްދޭ އެއްޗެކެވެ. އަދި މީގައި ހިމެނޭ ސްޓްރޯބެރީ ތަކަކީ މެޓަބޮލިޒަމް އެކްޓިވޭޓް ކޮށްދޭ އެއްޗެކެވެ.
ތައްޔާރު ކުރާނެ ގޮތް:
½ ލީޓަރު ސްކިމް މިލްކް، 1 ޖޯޑް ސްޓްރޯބެރީ، ½ ޖޯޑް އޯޓްސް، 1 ޖޯޑް ލައިޓް ނެޗުރަލް ޔޯގަޓް އަދި ¼ ޖޯޑް ފްލެކްސް އޮށް މިކްސްޗަރަށް އަޅާފައި ރަނގަޅަށް ގިރާލާށެވެ.
3. ފްރުޓް ސްމޫތީ
މިއީ ވަރަށް ގިނަ މޭވާތަކެއް އެކުލެވިގެންވާ، ވަރަށް މީރު ބުއިމެކެވެ.
ތައްޔާރު ކުރާނެ ގޮތް:
2 މޭބިސްކަދުރު، 2 ފޮތި އަލަނާސި، 1 ޖޯޑް ރާސްޕްބެރީސް އަދި ½ ތަށި ފެން މިކްސްޗަރަށް އަޅާފައި ރަނގަޅަށް ގިރާލާށެވެ.
4. އާފަލު ސްމޫތީ
އާފަލަކީ ހަށިގަނޑުގައި ހުންނަ ވިހަ މާއްދާތައް ނައްތާލައި ހަށިގަނޑަށް ހަކަތަ ލިއްބައިދޭ ވަރަށް ރަނގަޅު މޭވާއެކެވެ. އާފަލުގައި ގިނަ އަދަދަކަށް ޕެކްޓިން އެކުލެވިގެން ވެއެވެ. އޭގެ ސަބަބުން ހަށިގަނޑުގެ ސެލްތަކަށް ނަގައިގަނެވޭ ފެޓްސް ގެ މިންވަރު ކުޑަކޮށްދެ އެވެ. މި މީރު ބުއިމަކީ ހަށިގަނޑުގެ މަސްތައް ބާރުގަދަ ކޮށްދިނުމުގެ އިތުރުން ފެޓް ވިރުވައިދޭ އެއްޗެކެވެ.
ތައްޔާރު ކުރާނެ ގޮތް:
1 ޖޯޑް ލައިޓް ނެޗުރަލް ޔޯގަޓް، 1 އާފަލު (ކުދިކޮށް ކޮށާފައި)، 1 ޖޯޑް މާމުއި، ½ ޖޯޑް އަލްމަންޑްސް، ފޮނިތޮށި އަދި ½ ލީޓަރު ސްކިމް މިލްކް މިކްސްޗަރަކަށް އަޅާފައި ރަނގަޅަށް އެއްކޮށްލާށެވެ.
5. ސްޕައިސްޑް އިންފިއުޝަން
މި ބާވަތުގެ ގްރީން ޓީ އަކީ ވަރަށް ގިނަ ސިއްޙީ ފައިދާތަކެއް ލިއްބައިދޭ އެއްޗެކެވެ. އެގޮތުން ގްރީން ޓީ، އަސޭމިރުސް އަދި ފޮނިތޮށި އަކީ މެޓަބޮލިޒަމް އަވަސްކޮށްދޭ އެއްޗެހި އެވެ. އަދި މާމުއި އަކީ ހަށިގަނޑުގައި ހުންނަ ވިހަ މާއްދާތައް ނައްތާލުމުގައި އެހީތެރިވެދޭ އެއްޗެކެވެ.
ތައްޔާރު ކުރާނެ ގޮތް:
އެއް ޖޯޑް ގްރީން ޓީ ތައްޔާރުކޮށްފައި، އޭގެ ތެރެއަށް ކުޑަ މާމުއި ފޮދަކާއި، ކުޑަ އަސޭމިރުސް ކޮޅަކާއި (މާމުއި އަށްވުރެ މަދުން) އެއް މޭޒުމަތީ ސަމްސާ ފޮނިތޮށި (މުގުރާފައި) އަޅާފައި ގިރާލާށެވެ.
6. ޗޮކްލެޓް ސްމޫތީ
ޤުދުރަތީ ގޮތުން ހަށިގަނޑަށް ޕްރޮޓީން ލިއްބައިދޭ މިންވަރު އިތުރު ކުރަން ބޭނުންނަމަ މި ބުއިމަކީ ވަރަށް މޮޅު ގޮތެކެވެ. މީގައި ހިމެނޭ ކޮފީ އަކީ މެޓަބޮލިޒަމް އަވަސްކޮށްދޭ އެއްޗަކަށް ވުމުން، ކަސްރަތު ކުރަން ފޭސުމުގެ އެއްގަޑި އިރު ކުރިން މި ބުއިން ބޭނުން ކުރުން އެންމެ ރަނގަޅެވެ.
ތައްޔާރު ކުރާނެ ގޮތް:
½ ލީޓަރު ސްކިމް މިލްކް، ½ ޖޯޑް އޯޓްސް، ¼ ޖޯޑް އެމަރަންތު، ½ މޭޒުމަތީ ސަމްސާ ކޮފީ އަދި ރަހަލާ މިންވަރަށް މާމުއި މިކްސްޗަރަކަށް އެޅުމަށްފަހު ރަނގަޅަށް އެއްކޮށްލާށެވެ.