އައްޑޫ އޮޑިދޯނިފަހަރަށް ފަސޭހައިން ފެން ލިބޭނެ އިންތިޒާމްތަކެއް ހަމަޖައްސަން އައްޑޫ ސިޓީ ކައުންސިލުން ނިންމައިފި އެވެ.
ކައުންސިލުން ނެރުނު އިއުލާނެއްގައި ބުނީ އެކަން ހަމަޖެއްސުމުގެ ގޮތުން އެ އިދާރާއިން މަޝްރޫއެއް ކުރިއަށް ގެންދަން ރޭވިފައިވާތީ ދޭ މައުލޫމާތާ އެއްގޮތަށް އަމިއްލަ އަށް ޑިޒައިންކޮށް، އަމިއްލަ ތަކެތީގައި އެ މަސައްކަތްކޮށް ދެއްވާނެ ފަރާތެއް ހޯދަން ބޭނުންވާ ކަމަށެވެ.
އެހެންވެ މިކަމަށް ޝައުގުވެރިވާ ފަރާތްތަކަށް ޕްރޮޕޯސަލް ހުށަހެޅުމުގެ ފުރުސަތު އަންނަ މަހުގެ 13 ވަނަ ދުވަހާ ހަމައަށް މިހާރު ވަނީ ހުޅުވާލައިފަ އެވެ.
މިކަމާ ބެހޭ ގޮތުން މައުލޫމާތު ދިނުން މި މަހުގެ 30 ވަނަ ދުވަހު ހެނދުނު 11:00 ގައި އޮންނާނެ އެވެ.
ކައުންސިލުން ބުނީ މަޢުލޫމާތު ސާފު ނުކުރާ ފަރާތްތަކަށް ޕްރޮޕޯސަލް ހުށަހެޅުމުގެ ފުރުސަތު ނުދެވޭނެ ކަމަށެވެ.