ކުރީގެ ދިވެހި ރާއްޖޭގެ ސިޔާސީ މައިދާނުގައި މަސައްކަތްކުރި އައިޝަތު ވެލެޒިނީ ސޯޝަލް މީޑިޔާގައި ދައްކަމުން އަންނަ ކުފުރުގެ ބަސްތަކުން ދިވެހި ރައްޔިތުންގެ ނަފްރަތު އަމާޒުވެ ރުޅިވެރިކަން ކޮޅުންލައިގެންގޮސްފިއެވެ.
ރާއްޖެއިން ބޭރުގައި މިހާރު ވަޒަންވެރިވެފައިވާ ވެލެޒިނީ ވަނީ އޭނާގެ ފޭސްބުކް ޕޭޖުގައި އޭނާއަކީ އެންމެ ފަހުގެ ރަސޫލާ ކަމަށް ދައުވާ ކޮށްފައެވެ.
މުސްލިމެއް ކަމަށް މިވީޑިއޯގައި ވެލެޒިނީ ދައުވާ ކުރި ނަމަވެސް ކީރިތި ޤުރުއާނުގައި މާތް ރަސްކަލާނެ ވަނީ ނަބީކަން ރަސޫލާ މުޙައްމަދުގެފާނާއެކު ޚަތަމްވެގެންގޮސްފައިވާ ކަމަށް ވަޙީކުރައްވާފައެވެ.
މާތް ނަބިއްޔާ، މުޙައްމަދު ރަސޫލުﷲ ޞައްލަﷲ އަލައިހި ވަސައްލަމް ވަނީ ފަހު ޒަމާނުގައި މިފަދަ ދޮގުވެރިން ދުނިޔެއިން ފާޅުވާނެ ކަމަށް ޙަދީޘް ކުރައްވައި އެފަދަ ދޮގުވެރިންގެ ދޮގު ބަސްތަކުން މުސްލިމުން ދުރުވުމަށް އަމުރުކުރައްވާފައެވެ.
ވެލެޒިނީ ވަނީ އޭނާ ސޯޝަލް މީޑިޔާ މެދުވެރިކޮށް ދައްކަމުން އަންނަ ވީޑިއޯ މެސެޖުގައި އަދިވެސް އޭނާ ވާހަކަ ދައްކާނެ ކަމަށް ބުނެފައެވެ.