Last Updated: March 29, 14:00
Friday, March 29, 2024
ސިޔާސީ

މި ފެންނަނީ ސަރުކާރު ނޭވާ ހޮޅިއަށްދާ މަންޒަރު: ރިޔާޒު

ސިޔާސީ ވާދަވެރިން ޖަލަށްލުމުން ރައްޔިތުންގެ ނަފްރަތު ނޫން އެހެން އެއްވެސް އެއްޗެއް ނުލިބޭނެކަމަށާއި މިހާރު މި ފެންނަނީ ރައީސް ޔާމީންގެ ސަރުކާރު ނޭވާ ހޮޅިއަށްދާ މަންޒަރުކަމަށް ކުރީގެ ކަމިޝްނާ އޮފް ޕޮލިސް އަދި މިހާރު ކިނބިދޫ ދާއިރާގެ މަޖްލިސް މެމްބަރ އަބްދުﷲ ރިޔާޒު ވިދާޅުވެއްޖެއެވެ.

ކުރީގެ ޑިފެންސް މިނިސްޓަރ ކާނަލް މުހައްމަދު ނާޒިމް ގޭ ބަންދުގައި ހުއްޓާ މިއަދު ހަވީރު އެސްއޯ ފުލުހުން ގޮސް ނާޒިމް އަނބުރާ ޖަލަށް ގެންދިޔަ ހަބަރު ޓްވީޓް ކުރައްވަމުން ރިޔާޒް ވިދާޅުވީ މިހާރު މި ފެންނަނީ ސަރުކާރު ނޭވާހޮޅިއަށްދާ މަންޒަރު ކަމަށެވެ.

ރިޔާޒް މިފަދައިން ޓްވީޓް ކުރައްވަމުން ގެންދަވާއިރު އެމަނަކުފާންވަނީ މިމަހުގެ 27 ވަނަ ދުވަހުގެ ރޭ ފުލުހުންގެ ބެލުމުގެ ދަށައް ގެންދިއުމަށްފަހު ފޯނު އަތުލުމަށްފަހު ދޫކޮށްލާފައެވެ. އަދި އޭގެ އަނެއް ދުވަހު ފުލުހަށް ހާޒިރުކޮށް އޭނާގެ މްއްޗަށް ދެ ތުހުމަތެއް ވަނީ ކޮށްފައެވެ.

ރިޔާޒުގެ މައްޗަށް ފުލުހުން ކުރާ އެއް ތުހުމަތަކީ "ރާއްޖޭގެ ހިންގުން މާފިއާ ގޭންގަކާ ހަވާލުކުރާކަށް ގަބޫލެެއް ނުކުރެވޭ" ކަމަށް އޭނާ ވިދާޅުވުމުން ކުރާ ތުހުމަތަކާއި، ފުލުހުންގެ މައްޗަށް ނުފޫޒު ފޯރުވާކަމުގެ ތުހުމަތުއެވެ.

ރިޔާޒް ވިދާޅުވީ ޖަލަށް ލިޔަސް ހައްގު ބަސް ބުނާނެކަމަށެވެ.