މީގެ ތިން ދުވަސްކުރިން ލ. ފޮނަދޫން ވީނުވީއެއް ނޭގި ގެއްލިގެން ހޯދަމުން ދިޔަ ބިދޭސީ މީހާ މަރާލުމަށްފަހު އެއްލާލާފައި އޮތްވާ ފެނުނު މައްސަލާގައި 3 ބިދޭސީއަކު ފުލުހުންގެ ބެލުމުގެ ދަށައް ގެންގޮސްފިއެވެ.
L. Fonadhoo Gai Bidheysee Eh Maraali Mahsala aai Gulhigen 3 Bidheyseeaku Fuluhunge Belumugedhashah vany Genevifai.
— Maldives Police (@PoliceMv) March 31, 2017
ފޮނަދޫ ގޮޑު ދޮށުން އިއްޔެ މެންދުރު 12:45 ހާއިރު މަރާލާފައި އެއްލާލާފައި އޮތްވާ ފެނިފައިވަނީ ބަންގްލަދޭޝްގެ އުމުރުން 29 އަހަރުގެ ފިރިހެނެކެވެ. އޭނާ މަރާލާފައިވާކަމަށް ތުހުމަތު ކުރެވޭކަމަށް ފުލުހުން ވަނީ ބުނެފައެވެ.
މިހާދިސާ އާއި ގުޅިގެން ތިން ބިދޭސީއަކު ހައްޔަރުކުރި ކަން ފުލުހުން ހާމަކޮށްފައިވަނީ މިއަދު ހެނދުނު ކުރި ޓްވީޓެއްގައެވެ.