ފަލި ޖެހުން ނުވަތަ ރޯވިން ކުޅިވަރުގެ އަމްޕާ ކޯހެއް އައްޑޫގައި ބާއްވަން ނިންމައިފި އެވެ.
ރޯވިން އެސޯސިއޭޝަން އޮފް މޯލްޑިވްސްގެ ރައީސް އަދި އޭޝިއަން ރޯވިން ފެޑެރޭޝަން (އޭއާރްއެފް) ގެ ޑިވެލޮޕްމަންޓް ކޮމިޓީގެ މެމްބަރު އަހުމަދު ހަބީބް ބުނީ، އެ ފެޑެރޭޝަންގެ މެމްބަރުން އައްޑޫގައި އަމްޕަޔާ ކޯސް ބާއްވަން ނިންމާފައިވާ ކަމަށެވެ.
މިއީ މިފަދަ ކޯހެއް ބާއްވާ ފުރަތަމަ ފަހަރެވެ.
އެހެން ނަމަވެސް ކޯހާ ބެހޭ އިތުރު ތަފުސީލެއް ހަބީބު ނުދެ އެވެ.
ހަބީބް އެފަދަ އިވެންޓްތަކެއް ރާއްޖޭގައި ބޭއްވޭ ވަރުގެ ގާބިލްކަން އެބަހުރި ކަމުގެ ޔަގީންކަން އޭއާރްއެފަށް ދީފައިވާ ކަމަށާއި އައްޑޫގައި ރޯވިން އަމްޕަަޔާ ކޯހެއް އިންތިޒާމު ކުރެވިދާނެ ކަމަށެވެ.
ރޯވިން އެސޯސިއޭޝަނުން އަންނަނީ ފަލި ޖެހުން ކުރިއެރުވުމަށް ގިނަ މަސައްކަތްތަކެއް ކުރަމުންނެވެ. އަދި ބައިނަލްއަގްވާމީ މުބާރާތްތަކުގައި ވާދަކޮށް، ރަނގަޅު ކާމިޔާބީތަކެއް ވެސް އަންނަނީ ހޯދަމުންނެވެ.