އާމިރް ހާންގެ އެންމެ ފަހުގެ ފިލްމް "ޑަންގަލް" ގެ ޑިޖިޓަލް ރައިޓްސް، ނެޓްފްލިކްސް އަށް 20 ކްރޯޑް ރުޕީސް އަށް ވިއްކާލައިފައިވާ ކަމަށް މީޑިއާ ރިޕޯޓްތައް ބުނެފި އެވެ.
އެފަދަ ވާހަކަތަކެއް ފެތުރިފައި މި ވަނީ ނެޓްފްލިކްސްގެ އިސްވެރިންތަކެއް ދާދި ފަހުން، އިންޑިއާ އަށް ކުރި ދަތުރެއްގައި އާމިރާ ބައްދަލު ވެސްކޮށްފައި ވަނިކޮށެވެ.
އާމިރް ރެސްލިން ތަޅާ މީހެއްގެ ރޯލުން ފެނިގެން ދިޔަ "ޑަންގަލް" ގެ ޑިޖިޓަލް ރައިޓްސް، ނެޓްފްލިކްސް އިން 20 ކްރޯޑް ރުޕީސް އަށް ގަނެފައިވާ ވާހަކައަކީ ތެދެއް ނަމަ، މިއީ ހިންދީ ފިލްމެއްގެ ރައިޓްސް އެ ކުންފުނިން މިހާ ބޮޑު އަގުގައި ހަތް ފުރަތަމަ ފަހަރަށް ވާނެ އެވެ.
ބޮކްސް އޮފީހުގައި 300 ކްރޯޑް ރުޕީސް އަށް ވުރެ ބޮޑު އާމްދަނީއެއް ހޯދާފައިވާ "ޑަންގަލް" ގެ ޑިޖިޓަލް ރައިޓްސް، ނެޓްފްލިކްސް އަށް ދޫކޮށްލާ އިރު، މި ފިލްމުގެ ސެޓްލައިޓް ރައިޓްސް ވަނީ މަޝްހޫރު ޓީވީ ޗެނަލަކަށް 75 ކްރޯޑް ރުޕީސް އަށް ވިއްކާލައިފަ އެވެ.
އާމިރް ދެން އެންމެ އަވަހަށް ފެނިގެން ދާނީ "ސީކްރެޓް ސްޕަސްޓާ" އިންނެވެ.
އޭނާ މިހާރު އަންނަނީ އަމީތާބް ބައްޗަންއާ އެކު ޔާޝްރާޖް ފިލްމްސް (ވައިއާރްއެފް) ގެ "ތަގްސް އޮފް ހިންދުސްތާން" ގެ މަސައްކަތް ކުރަމުންނެވެ.