ޓްވިޓާ ބޭނުން ނުކުރާ މީހަކު މިހާރު ވަރަށް މަދު ވާނެ އެވެ. އެކަމަކު ޓްވިޓާ ބޭނުން ކުރާ މީހުންގެ މެދުގައި އަބަދު ވެސް ބޮޑު ނުތަނަވަސް ކަމެއް އޮވެ އެވެ.
އެއީ ބޭނުންވާ އެއްޗެއް، ބޭނުންވާ ދިގު މިނުގައި ނުލިޔެވޭތީ އެވެ. އެހެންވެފައި އޮތީ ކެރެކްޓާތައް ލިމިޓްކޮށްފައި އޮތުމުންނެވެ. މީގެ ކުރިން ޓްވިޓާގައި އެންމެ ދިގުކޮށް ވެސް ލިޔެވޭނީ، 140 އަކުރެވެ.
އެކަމަކު އެ ދުވަސް މިހާރު މާޒީވީ އެވެ. މިހާރު ބޭނުން ދިގު މިނަކަށް ޓްވިޓާގައި ޝުއޫރު ފާޅުކޮށް ލެވޭނެ އެވެ.
މީގެ އިތުރުން ބޮޑެތި ޔޫޒާ ނޭމްތައް ހުންނަ މީހުން ކުރާ ޓްވީޓުތަކަށް ޖަވާބު ދޭން ލިޔެވޭ ކެރެކްޓާކޮޅުން ނުފުދޭ މައްސަލަ ވެސް ބޮޑެވެ.
ޓްވިޓާގެ ޕްރޮޑަކްޓް މެނޭޖަރު ސަސަންކް ރެޑީ ވިދާޅުވ ގިނަ ބައެއްގެ އެދުމުގެ މަތިން ގެނައި ބަދަލާ އެކު، ޓްވިޓާ ބޭނުން ކުރާ މީހުންގެ ޝަކުވާތައް ނިމުމަކަށް އައިސް، އެ މީހުންގެ މޫނު މައްޗަށް މިހާރު ހިނިތުންވުން ގެނެސް ދޭނެ ކަމަށެެވެ.