ފުލުހުންގެ 84 ވަނަ އަހަރީ ދުވަސް ފާހަގަ ކުރުމުގެ ގޮތުން ހުޅުމީދޫ ޕޮލިސް ސްޓޭޝަނުން އިންތިޒާމްކޮށްގެން ބޭއްވި ވަންޑޭ ކަޕް އަންހެން ފުޓްސަލް މުބާރާތުގެ ޗެމްޕިއަންކަން ޕްރޮމިސް އޭ ޓީމް ހޯދައިފި އެވެ.
އެ ޓީމް މިމުބާރާތުގެ ޗެމްޕިއަންކަން ހޯދީ އިއްޔެ ހަވީރު ހުޅުމީދޫ ޕޮލިސް ސްޓޭޝަނުގެ ފުޓްސަލް ދަނޑުގައި ކުޅުނު ފައިނަލް މެޗްގައި 5-0 ލަނޑުން ޕްރޮމިސް ބީ ޓީމް ބަލިކޮށްގެންނެވެ.
ފައިނަލްމެޗްގެ މޮޅު ކުޅުންތެރިއަކަށް ހޮވުނީ ޕްރޮމިސް އޭ ޓީމްގެ ރާޝާ އެވެ.
ޗެމްޕިއަން ޓީމަށާއި ރަނައަޕް ޓީމަށް އަދި މުބާރާތުގެ އެންމެ މޮޅު ކުޅުންތެރިޔާއަށް ހޮވުނު ޕްރޮމިސް އޭ ޓީމްގެ މަނާލް އަށް ތައްޓާއި ހަނދާނީ ލިއުން އަދި ފައިސާގެ އިނާމް ހަވާލްކޮށްދެއްވީ ސައުތު ޕޮލިސްޑިވިޝަންގެ ކޮމާންޑަރު ޗީފް އިނިސްޕެކްޓަރު އޮފް ޕޮލިސް އަލީ ޝަރީފެވެ.