ފުލުހުންގެ 84 ވަނަ އަހަރީ ދުވަހާ ދިމާކޮށް ހުޅުމީދޫ ޕޮލިސް ސްޓޭޝަނުން ބޭއްވި ވަންޑޭ ކަޕް ފިރިހެން ފުޓްސަލް މުބާރާތުގެ ޗެމްޕިއަންކަން ބޭންކް އޮފް މޯލްޑިވްސް (ބީއެމްއެލް) ހުޅުމީދޫ ބްރާންޗްގެ ޓީމް މިއަދު ހޯދައިފި އެވެ.
އެ ޓީމް މިމުބާރާތުގެ ޗެމްޕިއަންކަން ހޯދީ ފައިނަލް މެޗްގައި އައްޑޫ ޕޮލިސްގެ ސައުތު ބްލޫސް ޓީމާ ބައްދަލުކޮށް 2-0 ލަނޑުން މޮޅުވެގެންނެވެ.
ހުޅުމީދޫ ޕޮލިސް ސްޓޭޝަންގެ ފުޓްސަލް ދަނޑުގައި ކުޅުނު މި މެޗްގައި ބީއެމްއެލްގެ ޓީމުން ޖެހި ފުރަތަމަ ލަނޑު ފުރަތަމަ ހާފްގައި ކާމިޔާބުކޮށް ދިނީ ސަބާހެވެ.
ފޯރިގަދަ ކުޅުމެއް ފެނިގެން ދިޔަ މެޗްގައި ބީއެމްއެލްގެ ދެވަނަ ލަނޑު ދެވަނަ ހާފްގައި ޖެހީ މައުޝޫގެވެ.
ފައިނަލް މެޗްގެ މޮޅު ކުޅުންތެރިއަކަށް ހޮވުނީ ބީއެމްއެލް ޓީމްގެ ގޯލްކީޕަރު މުގުސިދެވެ.
ޗެމްޕިއަން ޓީމަށާ ރަނައަޕް ޓީމަށް އަދި މުބާރާތުގެ އެންމެ މޮޅު ކުޅުންތެރިޔާ އަށް ހޮވުނު ބީއެމްއެލް ޓީމުގެ ގޯލް ކީޕަރު މުގުސިދުށް ތައްޓާއި ހަނދާނީ ލިޔުން އަދި ފައިސާގެ އިނާމް ހަވާލްކޮށް ދެއްވީ ސައުތު ޕޮލިސްޑިވިޝަންގެ ކޮމާންޑަރު ޗީފް އިނިސްޕެކްޓަރު އޮފް ޕޮލިސް އަލީ ޝަރީފެވެ.