ކުރިއަށް އޮތް ރޯދަ މަހާ ދިމާކޮށް މޯލްޑިވްސް އިސްލާމިކް ބޭންކް (އެމްއައިބީ) އިން ދެ ލައްކަ ރުފިޔާއާ ހަމައަށް ތަކެތި ގަނެވޭ ހާއްސަ ޕްރޮމޯޝަނެއް ފަށައިފި އެވެ.
އެމްއައިބީން ބުނީ އަންނަ މަހުގެ ނިޔަލަށް ކުރިޔަށް ގެންދާ ޕްރޮމޯޝަންގެ ދަށުން އެ ބޭންކުގެ ޕާޓްނަރުންގެ ތެރޭގައި ހިމެނޭ ކުންފުނިތަކުގެ މުވައްޒަފުންނަށް ފަސޭހަކޮށް އިމާރާތް ކުރަން ބޭނުން ކުރާ ތަކެއްޗާއި ފަރުނީޗަރާއި ގޭތެރެއަށް ބޭނުންވާ ތަކެތި ގަތުމަށް ފައިނޭންސްކޮށް ދޭނެ ކަމަށެވެ.
އެ ބޭންކުން އަދި ބުނީ މި ޕްރޮމޯޝަން ކުރިއަށް ގެންދަން ކުރިން އޮތް 100،000ރ. ގެ ލިމިޓް މިހާރު ވަނީ 200،000ރ. އަށް ބޮޑުކޮށްފަ އެވެ.
އަދި ފައިސާ އަނބުރާ ދައްކަން 18-36 މަހާ ދެމެދުގެ މުއްދަތެއް ލިބޭނެ އެވެ.
އެމްއައިބީން ބުނީ ޕްރޮމޯޝަނުގައި ބައިވެރިވާން އެދޭ ފޯމް އެ ބޭންކްގެ މާލެ އާއި އައްޑޫ ހިތަދޫ، ގދ. ތިނަދޫ އަދި ހދ. ކުޅުދުއްފުށު ބްރާންޗުން މިހާރު ލިބޭނެ ކަމަށެވެ.