އަންނަ ބުދަ ދުވަހުގެ ރޭ އޮލިމްޕަހުގައި ޕްރިމިއާ ކުރާ ޑާކް ރެއިން އެންޓަޓައިންމަންޓްގެ ފިލްމް "މީ ލޯތްބަކީ" ގެ މޭކިން ދައްކާލައިފި އެވެ.
އަލީ ޝިފާއު (ޗިއްޕެ) ޑައިރެކްޓްކޮށްފައިވާ މި ފިލްމަކީ ރޮމޭންޓިކް ކޮމެޑީއެކެވެ. ފިލްމުގެ ލީޑް ރޯލް ކުޅެފައި ވަނީ ޖުމައްޔިލް ނިމާލާއި މަރިޔަމް އައްޒަ އެވެ.
ބުދަ ދުވަހުގެ ރޭ ފިލްމް ޕްރިމިއާ ކުރާ އިރު، "މީ ލޯތްބަކީ" ގެ މޭކިން ވެގެން ދާނީ މި ފިލްމަށް އިންތިޒާރު ކުރާ މީހުންނަށް ވަރަށް ހާއްސަ ހަދިޔާއަކަށެވެ.
މޭކިންގައި ފިލްމުގެ ތަރިން ވަނީ އެ މީހުންގެ ތަޖުރިބާތައް ކިޔައި ދީފަ އެވެ.
ބޮޑު ކާސްޓެއް ވެސް ފެނިގެންދާ "މީ ލޯތްބަކީ" އިން ފިލްމީ ދާއިރާ އަށް އާ އެކްޓަރުންތަކެއް ވެސް ތައާރަފުވެގެން ދާނެ އެވެ.