އައްޑޫ ސިޓީ، ހިތަދޫ ރުއްޖެހެރަ ސަރަހައްދުގައި ހުންނަ ކުނި ކޮށީގައި އަލިފާން ރޯވެ އަނދަމުން އެބަދެއެވެ.
ކުނި ކޮށީގައި ރޯވެފައިވާ އަލިފާންގަނދު ގަދައަށް އެތަނަށް ފެތުރެމުން އަންނަ އިރު ބައެއް ތަކެތި ގޮވާ އަޑުއިވެއެވެ.
އަލިފާން ރޯވެފައިވަނީ އެތަނުގައި ކުނި އަންދަން އުޅުމުގެ ތެރޭގައި ކަމެއް ނުވަތަ ބަޔަކު ގަސްތުގައި ރޯކޮށްލީ ކަމެއް އަދި ވަނީ ސާފުވާގޮތް ނުވެފައެވެ.
ކުނިކޮށި ސަރަހައްދުގައި ހުރި "އައްޑޫލައިވް"ގެ ނޫސްވެރިޔާ ބުނީ ރޯވި އަލިފާންގަނޑު ނިއްވުމުގެ މަސައްކަތް އެއްވެސް ބަޔަކު އަދި ނުފަށާކަމަށެވެ. އަދި އެތަނުގައި ފަޔާ އެންޑް ރެސްކިއު ސާވިސް އަދި ފުލުހުންގެ ބަޔަކުވެސް ނެތްކަމަށެވެ.
އެމްއެންޑީއެފްގެ މީޑިާ އޮފިޝަލް މިރޭ އައްޑޫލައިވްއަށް ވިދާޅުވީ އަލިފާންގެ ހާދިސާ އާއި ގުޅޭ މައުލޫމާތެއް އަދި ނެތަކަމަށާއި އޮޅުން ފިލުވުމަށްފަހު ހަބަރެއްވާނެކަމަށެވެ.
"މިސަރަހައްދުން އެކި އެއްޗެހި ގޮވާ އަޑު އެބައިވޭ ވަރަށް ބާރަށް، މިސަރަހައްދުން ދަތުރުކުރުން އެހާ ރައްކާތެރިއެއް ނޫން"
ނޫސްވެރިޔާ ބުންޏެވެ.
އައްޑޫގެ ކުނި މެނޭޖްކުރުމުގެ މަސައްކަތް ވޭސްޓް މެނޭޖްމެންޓް ކޯޕަރޭޝަން (ވެމްކޯ) އާއި ހަވާލުކޮށްފައިވާ އިރު ކުނި ކޮށި އަދި ރަސްމީކޮށް ވެމްކޯގެ ބެލުމުގެ ދަށައް ގެނައި ކަމެއް ސާފެއް ނޫނެވެ.