Last Updated: November 25, 11:20
Monday, November 25, 2024
މުނިފޫހިފިލުވުން

"އިންޑިއަން އައިޑޮލް 9" ރެވަންތަށް

ސޮނީ ޓީވީން ގެނެސް ދިން އިންޑިއަން އައިޑޮލް ސީޒަން ނުވައެއް ސައުތު އިންޑިއާ އަށް ނިސްބަތްވާ ލަވަ ކިޔުންތެރިޔާ އެލްވީ ރެވަންތު ކާމިޔާބުކޮށްފި އެވެ.

ރޭ ދެއްކި ގްރޭންޑް ފިނާލޭގައި އޭނާ އަށް ޓްރޮފީ އާއި އިނާމްތައް ހަވާލުކޮށް ދިނީ އިންޑިއާގެ މަޝްހޫރު ކްރިކެޓް ލެޖެންޑް ސަޗިން ޓެންޑުލް ކަރް އެވެ.

"އިންޑިއަން އައިޑޮލް 9" ކާމިޔާބު ކުރުމުން ރެވަންތަށް ވަނީ 25 ލައްކަ ރުޕީސް އާއި ޔުނިވާސަލް މިއުޒިކްގެ ކޮންޓްރެކްޓެއްގެ އިތުރުން ކާރަކާއި އެ ނޫން ވެސް ބޮޑެތި އިނާމްތަކެއް ލިބިފަ އެވެ.

އެ ޓައިޓްލް ރެވަންތު ކާމިޔާބު ކުރި އިރު، އޭނާއަކީ ހިންދީ ބަސް ވެސް އެނގޭ ޒުވާނެއް ނޫނެވެ.

އެހެން ނަމަވެސް ހިންދީ ބަހުން ލަވަތައް ކިޔައިގެން، ރެވަންތު ވަނީ އެތައް ބަޔަކު އޭނާގެ އަޑުގެ ޖާދޫގައި ޖައްސާލައިފަ އެވެ. ރެވަންތު ވަނީ މަޝްހޫރު ފިލްމް "ބާހްބަލީ" އަށް ވެސް ލަވަ ކިޔައިފަ އެވެ.

"އަހަރެންގެ އެންމެ ބޮޑު ހުވަފެނަކީ ބޮލީވުޑްގެ ޕްލޭބެކް ވޯކަލިސްޓަކަށްވުން،" ރެވަންތު، 26، ބުންޏެވެ.

"އިންޑިއަން އައިޑޮލް 9" ގެ ދެވަނަ އަށް ދިޔައީ ޙުދާ ބަކްޝް އެވެ. ތިން ވަނަ ލިބުނީ ޕީވީއެންއެސް ރޯހިތުއަށެވެ.

މި ފަހަރު މި މުބާރާތުގެ ޖަޖްކަން ކުރީ މަޝްހޫރު މިއުޒިކް ޑައިރެކްޓަރު އަނޫ މަލިކާއި ލަވަ ކިޔުންތެރިޔާ ސޯނޫ ނިގާމްގެ އިތުރުން، ޑައިރެކްޓަރު/ކޮރިއޮގްރަފަރު ފަރާ ހާނެވެ.