އުރީދޫ މޯލްޑިވްސްގެ ޗީފް އެގްޒެކެޓިވް އޮފިސަރގެ މަޤާމުގައި ހުންނެވި ވިކްރަމް ސިންހ އެކުންފުނީގެ މެނޭޖިން ޑިރެކްޓަރ ކަމުގެ މަގާމަށް ބަދަލުކޮށް ސީއީއޯގެ މަގާމަށް ނަޖީބް ޚާން އައްޔަން ކޮށްފިއެވެ.
ސީއީއޯގެ މަގާމަށް އައްޔަން ކުރި ނަޖީބް ހާން އަކީ މުވާސަލާތީ ދާއިރާގައި 25 އަހަރުގެ ތަޖުރިބާ ލިބިފައިވާ ބޭފުޅެކެވެ. ނަޖީބް ފާއިތުވި ދެއަހަރު މަސައްކަތް ކުރައްވާފައިވަނީ އުރީދޫ ގްރޫޕްގެ ކޮމާޝަލް ޑިވިޝަންގެ ބިޒްނަސް ސަރވިސާސް ޓީމްގެ އިސްވެރިއެއްގެ މަޤާމުގައެވެ.
2014 ގައި އުރީދޫ ގްރޫޕްގައި މަސައްކަތް ފެށުމުގެ ކުރިން، ނަޖީބް މަސައްކަތްކުރަމުން ދިޔައީ ބާރްތީ އެއާރޓެލް ލިމިޓެޑްގެ ހޯމް އެންޑް އޮފީސް ބިޒްނެސްގެ ސީއީއޯގެ ގޮތުގައި އެވެ.
"އުރީދޫ މޯލްޑިވްސްގެ ކާމިޔާބީގައި ވިކްރަމް ވަނީ ވަރަށް މުހިއްމު ދައުރެއް އަދާކޮށްފައި. މެނޭޖިންގ ޑިރެކްޓަރ ގެ މަގާމަށް ވިކްރަމް އަށް މަރުހަބާ ކިޔުމަކީ އަޅުގަނޑަށް ލިބިގެންދާ ވަރަށް ބޮޑު އުފަލެއް. ހަމައެއާއި އެކު، އުރީދޫ މޯލްޑިވްސް ގެ ސީއީއޯ ގެ މަގާމަށް ނާޖިބްއަށް މަރުހަބާ ކިޔަން، އަދި މި ކާމިޔާބު ދަތުރު އިތުރަށް ކުރިޔަށް ގެންގޮސްދޭނެ ކަމަށް ޔަގީންކުރަން."
އުރީދޫ މޯލްޑިވްސްގެ ޗެއަރމަން ޚާލިދް އަލް މަޙްމޫދް ވިދާޅުވިއެވެ.
"އުރީދޫ މޯލްޑިވްސް ޓީމް އާއިއެކު މި ވަރުގަދަ ބްރޭންޑް ކުރިއެރުވުމަކީ އަޅުގަނޑަށް ލިބިގެންދިޔަ ވަރަށް ބޮޑު ޝަރަފެއް. އުރީދޫގެ އާ ސީއީއޯ ނަޖީބް އަށް މަރުހަބާ ކިޔުމަކީ އަޅުގަނޑަށް ލިބޭ އުފަލެއް، އަދި މި ދާއިރާއިން ލިބިފައިވާ ތަޖުރިބާ އާއިއެކު، އުރީދޫ މޯލްޑިވްސް ގެ ކާމިޔާބު ދަތުރު ކުރިޔަށްގެންގޮސް، އިތުރު ހަރުފަތަކަށް ކުންފުނި ގެންގޮސްދޭނެކަމަށް އަޅުގަނޑު ޔަގީންކުރަން. އާ ސީއީއޯ އާއި، އުރީދޫ މޯލްޑިވްސް ޓީމް އަދި ދިވެހި ރައްޔިތުންގެ އެއްބާރުލުމާއި އެކު، އަޅުގަނޑުމެންގެ ޕާޓްނަރުންނާއި، ސަޕްލަޔަރުންނާއި މުވައްޒަފުންނާއި ގުޅިގެން، ކުންފުނީގެ އަމާޒުތަކަށް ވާސިލްވެ، ދިވެހި ރައްޔިތުންނަށް އެންމެ ފުރިހަމަ ގޮތުގައި ޚިދުމަތްދިނުމުގެ މަސައްކަތުގައި އަޅުގަނޑު ކުރިޔަށްދާނަން."
އުރީދޫގެ މެނޭޖިންގ ޑިރެކްޓަރ ވިކްރަމް ސިންހާ ވިދާޅުވިއެވެ.