އެމްއެމްޕީއާރްސީގެ ހިޔާނާތުގެ މައްސަލައަކާ ގުޅިގެން ޖަލު ހުކުމެއް ތަންފީޒް ކުރަމުން އަންނަ ވިޔަފާރިވެރިޔާ ހާމިދު އިސްމާއިލް (ހާމިދު ސޭޓު) އައްޑޫ އަންހެނަކާ މިއަދު ކައިވެނިކޮށްފި އެވެ.
ހާމިދު ވަނީ އެ ކައިވެންޏަށް މިއަދު މެންދުރު ފަހު 2:00 އަށް ފެމިލީ ކޯޓަށް ގެނެސްފަ އެވެ. ހާމިދު ކައިވެނިކޮށްފައިވަނީ ހިތަދޫ އައިޝަތު ނަފީސް ކިޔާ މީހަކާ އެވެ. މިއީ ހާމިދުގެ ތިން ވަނަ ކައިވެންޏެވެ.
ހާމިދަށް ޖަލު ހުކުމެއް އައިސްފައި ވަނީ އެމްއެމްޕީއާރްސީ މެދުވެރިކޮށް ދައުލަތަށް ލިބެންޖެހޭ ފަސް މިލިއަން ޑޮލަރަށް ޚިޔާނާތްތެރިވި މައްސަލައިގަ އެވެ.
މި މައްސަލާގައި ދެ އަހަރާއި ނުވަ މަހާއި 18 ދުވަހަށް ޖަލަށް ލުމަށް ހާމިދަށް ހުކުމްކޮށްފައި ވަނީ މިދިޔަ އަހަރުގެ ޖޫން 23 ވަނަ ދުވަހު އެވެ.
ހާމިދު ފެމިލީ ކޯޓަށް ހާޒިރު ކުރުމުގެ އިތުރުން ފިޒިއޮތޮރަޕީ ހެދުމަށް އައިޖީއެމްއެޗަށް ގެންގޮސް ވަނީ ފަރުވާ ދީފަ އެވެ