މުހައްމަދު ނިޔާޒް (ޓެޑްރީ) ގެ ފިލްމް "އަމާނާތް" މިދިޔަ ބުރާސްފަތި ދުވަހު ޔޫޓިއުބްގައި އާންމު ކުރުމަށް ފަހު، ފިލްމުގެ ހުރިހާ ލަވަތަކެއް ސައުންޑް ކުލައުޑަށް މިއަދު ލައިފި އެވެ.
އައްޑު އާއި މާލޭގައި މަންޒަރުތައް ނަގާފައިވާ މި ފިލްމުގެ ހުރިހާ ލަވަތަކަކީ ވެސް ވަރަށް ހިތްގައިމު ލަވަތަކެއްކަން ފާހަގަކޮށްލެވެ އެވެ.
ވަކިން ހާއްސަކޮށް "އަމާނާތް" ގައި ހިމެނޭ "އޯގާވެރިވާ ލޯބިވާ" އާއި "ތުއްތު މޫނާ" އަދި "މިހިތާ ލޯބި ދޭނަން" އަކީ އަދިވެސް ވަރަށް މަޝްހޫރު ލަވަތަކެވެ.
ރިލީޒް ކުރިތާ 19 އަހަރުވީ އިރު ވެސް "އަމާނާތް" ގެ ލަވަތަކަކީ އަދިވެސް އެކިއެކި ޕްލެޓްފޯމްތަކުގައި މިހާރުގެ ލަވަ ކިޔުންތެރިން ކިޔަމުން އަންނަ ލަވަތަކެވެ.
މި ލަވަތަކުގެ އެންމެ ޗާލު ކަމަކީ ލަވަޔަކުގެ ޅެންތައް ރީތިވުމެވެ.
"އަމާނާތް" ގެ ލަވަތައް ކިޔަފައި ވަނީ އަލީ ރަމީޒް، ފަޒީލާ އާމިރް، ފާތުމަތު ރައޫފް، މުހައްމަދު ހުޒާމް އަދި އުމަރު ޒާހިރު ފަދަ ލަވަ ކިޔުންތެރިންނެވެ.
މަހުދީ އަހުމަދު ޑައިރެކްޓްކޮށްފައިވާ "އަމާނާތް" ގެ ލީޑް ރޯލް ކުޅެފައި ވަނީ އަލީ ހާލިދާއި ޖަމްޝީދާ އަހުމަދުގެ އިތުރުން ފާތުމްރު ރަމީޒާ އެވެ.
މި ފިލްމް ރިލީޒް ކުރީ ނޮވެމްބަރު 4، 1998 ގަ އެވެ.