ރައްޔިތުންގެ މަޖިލީހުގެ ކިނބިދޫ ދާއިރާގެ ޖުމްހޫރީ ޕާޓީގެ މެމްބަރު އަދި ކުރީގެ ޕޮލިސް ކޮމިޝަނަރު އަބްދުﷲ ރިޔާޒަށް ދައުވާކޮށް، ކްރިމިނަލް ކޯޓަށް ފޮނުވައިފި އެވެ.
ޕީޖީން ބުނީ ރިޔާޒުގެ މައްޗަށް ދައުވާ ކުރަނީ ގާނޫނުލް އުގޫބާތުގެ 532 ވަނަ މާއްދާގެ ދަށުން، ގާނޫނު ތަންފީޒު ކުރާ މުވައްޒަފެއްގެ ވާޖިބަށް ގަސްދުގައި ހުރަސް އެޅުމުގެ ދައުވާ ކަމަށެވެ.
ރިޔާޒުގެ މައްޗަށް މި މި ކުށް ސާބިތުވެއްޖެ ނަމަ އެންމެ ކުޑަވެގެން އެއް މަހާއި ހަ ދުވަަސް އަދި ދިގުވެގެން އެއް އަހަރު ދުވަހުގެ ޖަލުގެ ހުކުމެއް އަންނާނެ އެވެ.
ސަރުކާރާ ދެކޮޅަޑް މިހާތު ވަރަށް ބޮޑަށް އަޑު އުފުއްލަވަމުން ގެންދަވާ ރިޔާޒް އެންމެ ފުރަތަމަ ފުލުހަށް ހާޒިރު ކުރީ ހަގީގަތާ ޚިލާފް ދޮގު ވާހަކަ ދައްކަވައިގެން ފިތުނަ އުފައްދަން އުޅުމުގެ ތުހުމަތުގަ އެވެ. އެ މައްސަލާގައި އޭނާގެ ފޯން ވެސް ފުލުހުން ވަނީ އަތުލައިފަ އެވެ.