އައްޑޫގައި ހުރި އިންވެސްޓްމަންޓް ފުރުސަތުތަކާ ބެހޭ ގޮތުން ބާއްވަން ނިންމި "އައްޑޫ އިންވެސްޓާސް" ފޯރަމް ދެ ފަހަރެއްގެ މަތިން ފަސް ކުރުމަށް ފަހު، މި މަހުގެ 22 ގައި އެ ފޯރަމް މިހާރު ބާއްވަން ނިންމައިފި އެވެ.
އައްޑޫގެ ގެސްޓް ހައުސް 3000 އެނދު ތަރައްގީ ލަނޑުދަނޑިއާ އެކު، މި މަހުގެ 22 ގައި ފޯރަމް ބޭއްވުމުގެ ތައްޔާރީތައް މޯލްޑިވްސް އިންޓަގްރޭޓެޑް ޓޫރިޒަމް ޑިވެލޮޕްމަންޓް ކޯޕަރޭޝަން (އެމްއައިޓީޑީސީ) މިހާރު އަންނަނީ ވަމުންނެވެ.
އެމްއައިޓީޑީސީން ބުނީ އައްޑޫގެ އެކި ހިސާބުތަކުގައި ގެސްޓް ހައުސް އެނދުތަކެއް ތަރައްގީ ކުރުމަށް ކުރިއަށް ގެންދާން ރާވާ މަޝްރޫއުގެ ދަށުން ބާއްވާ އިންވެސްޓްމަންޓް ފޯރަމްގައި 150 ވިޔަފާރިވެރިން ބައިވެރި ވާނެ ކަމަށެވެ.
އޭގެ އިތުރުން ފޯރަމްގައި ފައިނޭންޝަލް އިންސްޓިޓިއުޝަންތަކުން ވެސް ވެސް ބައިވެރި ވާނެ އެވެ.
އެއް ދުވަހުގެ މުއްދަތައް ބާއްވާ ފޯރަމް އޮންނާނީ ގަމުގެ އީކްއޭޓަ ވިލެޖުގަ އެވެ.