ސުޝާންތު ސިންގް ރާޖްޕުޓާއި ކިރިތީ ސެނަން އެކުގައި ކުޅެފައިވާ ފުރަތަމަ ފިލްމް "ރާބްތާ" ގެ ފުރަތަމަ ޓްރެއިލާ މިއަދު ދައްކާލައިފި އެވެ.
ލޯބީގެ ވާހަކައެއްގެ މައްޗަށް ބިނާކޮށް ހަދާފައިވާ މި ފިކްމަކީ ދިނޭޝް ވިޖަންގެ ފުރަތަމަ ޑައިރެކްޝަނެވެ.
އޭނާއަކީ "ކޮކްޓެއިލް" އާއި "ފަައިންޑިން ފެނީ" ފަދަ ފިލްމުތަކުގެ ޕްރޮޑިއުސަރެވެ.
ޒުވާން ދެ ޖޯޑެއްގެ އެކުގައި ސްކްރީނުން ފެނިގެންދާ "ރާބްތާ" ގެ ޓްރެއިލާ ބެލި ގިނަ ބަޔަކު ބުނެފައި ވަނީ، ޓްރެއިލާ ވަރަށް ފުރިހަމަ ކަމަށާއި ފިލްމް ވަރަށް ރީތި ވާނެ ކަމަށް ގަބޫލު ކުރެވޭ ކަމަށެވެ.
ޕްރިތަމްގެ ހިތްގައިމު މިއުޒިކް ހިމެނޭ "ރާބްތާ" ސިނަމާތަކަށް އަންނާނީ އަންނަ ޖޫން މަހުގެ 9 ގަ އެވެ.
ސުޝާންތު އެންމެ ފަހުން ފެނިގެން ދިޔަ ފިލްމަކީ "އެމްއެސް ދޯނީ: ދި އަލްޓޯލްޑް ސްޓޯރީ" އެވެ. ކިރިތީ އެންމެ ފެނުނީ ޝާހްރުކް ހާނާއި ކާޖޮލްގެ "ދިލްވާލޭ" އިންނެވެ.