ލަންޑަންގެ މެޑަމް ޓްސޯޑްސްގައި ބޮލީވުޑްގެ ވަރަށް ގިނަ ފަންނާނުންގެ ވެކްސް ސްޓެޗޫ މިހާރު އެބަ ހުއްޓެވެ.
އެ ފުރުސަތު އެންމެ ފަހުން ލިބުނު ފަންނާނަކީ މަޝްހޫރު ލަވަ ކިޔުންތެރިޔާ ޝްރެޔާ ގޯޝަލް އެވެ. ފިލްމީ ތަރިންގެ ތެރެއިން އެންމެ ފަހުން ލަންޑަންގެ މެޑަމް ޓްސޯޑްސްގައި ދައްކައިލީ 2015 ގައި ބަތަލާ ކެޓްރީނާ ކެއިފެވެ.
ޝްރެޔާގެ ސްޓެޗޫ މިހާރު އޮތީ ހެދުމުގެ މަރުހަލާގަ އެވެ.
އެކަަމަކު މި ފަހަރު މިއޮތީ އަނެއްކާ ވެސް އެކްޓަރެއްގެ ސްޓެޗޫ ދައްކާލައިފަ އެވެ. އެކަމަކު ލަންޑަނަކު ނޫނެވެ. ސިންގަޕޫރުގަ އެވެ.
I just had to pose!! It's so cool!! I love it! @MTsSingapore, this is just an amazing & humbling experience! Thank you! pic.twitter.com/GmcBw3Wbxk
— Anil Kapoor (@AnilKapoor) April 20, 2017
އެ ގައުމުގައި ހުންނަ މެޑަމް ޓްސޯޑްސް މިއުޒިއަމްގައި ބެހެއްޓި ސްޓެޗޫ އަނިލް ވަނީ ރަސްމީކޮށް ދައްކާލައިފަ އެވެ.
އުމުރުން 60 އަހަރު ވިޔަސް ޒުވާން ކަމަށް ބަދަލެއް ނާންނަ އަނިލް ބުނޯ އޭނާގެ ސްޓެޗޫ ދައްކައިލަން ފުރުސަތު ލިބުނު ވަގުތުކޮޅަކޯ ވަރަށް ހާއްސަ ހިނދުކޮޅެއް ކަމަށެވެ.
Unveiling… Yours truly !! Thank you @MTsSingapore for making me look good in wax! #MadameTussauds pic.twitter.com/qtstyKTghG
— Anil Kapoor (@AnilKapoor) April 20, 2017
ކާމިޔާބު ގިނަ ފިލްމްތަކެއް ކުޅެފައިވާ އަނިލް ބުނީ އޭނާގެ ސްޓެޗޫ ހަމަ އަސްލު ސޫރައާ ވަރަށް ވައްތަރު ކަމަށެވެ. އަދި މި މަސައްކަތުގައި ޝާމިލްވު ހުރިހާ ފަރާތްތަކަށް އޭނާ ވަނީ ޝުކުރު އަދާކޮށްފަ އެވެ.
އަނިލް ދެން އެންމެ އަވަހަށް ފެނިގެން ދާނީ އަނީސް ބަޒްމީ ޑައިރެކްޓް ކުރާ "މުބާރަކަން" އިންނެވެ.