ހަނގުރާމަތަކުގައި ބައިވެރިވެ ލިބިފައިވާ ޒަޚަމްތަކަކީ ގިނަ ބަޔަކު ނުތަނަވަސް ކުރުވާ އެއްޗެކެވެ.
އެ ޒަޚަމްތަކަކީ ގިނަ މީހުންނަށް ބަލާލަން ދަތި މަންޒަރަކަށް ވީނަމަވެސް، ބައެއް މީހުންނަށް އެއީ ހަނދާނުން ފޮހެލަން ބޭނުންވާ ދަތިތަކެއް ހަނދާނަށް ގެނެސްދޭ ނިޝާންތަކެކެވެ.
ބޮސްނިއާ އާއި ހާޒެގޮވީނާއާ ދެމެދު ކުރެވުނު ހަނގުރާމަ ނިމުމަކަށް އައިތާ 20 އަހަރު ވީއިރު ވެސް، އުމުރުން 34 އަހަރުގެ އޭޑިއައިސް ސްމެޖިކް ދަނީ އެ ހަނގުރާމައިގެ ސަބަބުން ލިބުނު ވޭންތައް ތަހައްމަލް ކުރަމުންނެވެ.
އޭނާގެ އުމުރުން އެންމެ 13 އަހަރުގައި މައިނެއް ގޮވުމުގެ ސަބަބުން ސްމެޖިކްގެ ކަނާއަތުގެ ބައެއް ގެއްލި އޭނާގެ ވާތު ލޮލުގެ ފެނުންވެސް ވަނީ ގޮސްފައެވެ.
ގިނަ އަދަދެއްގެ އޮޕަރޭޝަންތަކަކަށް ފަހުވެސް އޭނާ ދަނީ އަދިވެސް "ފެންޓޮމް ލިމްބް" ސިންޑްރޯމާ ހަނގުރާމަ ކުރަމުންނެވެ. މީގެ އިތުރުން ދުވަސްދުވަސްކޮޅުން އޭނާގެ އާޓިފިޝަލް ލޯ ބަދަލު ކުރަން ޖެހެ އެވެ.
އޭނާ ބުނާ ގޮތުގައި އޭނާގެ އާޓިފިޝަލް ލޮލަކީ ހަޤީގަތުގައި އޭނާއަށް އެއްވެސް ފައިދާއެއްކޮށްދޭ އެއްޗެއް ނޫން ކަމަށެވެ. އެއީ ހަމައެކަނި އޭނާއާއި ދިމާލަށް ބަލާ މީހުންނަށް ފެންނަން ހުރި ކަމެއް ކަމަށެވެ.
"ބައެއް ފަހަރު އަހަންނަށް ހީވަނީ އެއްވެސް ކަމަކަށް ކެތްތެރި ނުވެވޭނެހެން. އަހަރެންގެ ދަރިފުޅުން އެލެން އަށްޓަކައި ވެސް. އަހަރެން ލޮލުގެ ނާރުތަކާއި ގެއްލުނު އަތް. ހީވަނީ ވަރަށް އެހެން ކަހަލަ ގޮތެއް. އަހަންނަކަށް ނޭނގެ ވާނުވާއެއް. މައްސަލައަކީ އަހަރެންގެ ސިކުނޑި. ފެންޓޮމް ލިމްބް ހުންނަނީ އެތާނގައި،" އޭނާ ބުންޏެވެ. "އަހަރެންގެ ގެއްލިފައިވާ އަތުގެ މުށް ބާރު ކުރަން ބޭނުންވޭ، އެއްޗެއްގަ ހިފަން ބޭނުންވާ. އެއީ އަހަންނަށް އިހުސާސް ކުރެވޭ ކަންތައްތައް. އެކަމަކު އެކަންތައްތައް އަހަންނަކަށް ނުކުރެވޭނެ."
ސްމެޖިކްގެ އަތް ޖިސްމާނީ ގޮތުން އޭނާގެ ހަށިގަނޑާއި ގުޅިފައި ނެތްނަމަވެސް، އޭނާއަށް އެ އަތުގެ އިހުސާސް ކުރެވޭ ކަމަށް ވެއެވެ.
ފޮޓޯ ނަގާ މީހެއްގެ ނަޒަރުން އެ އަތަކީ ނެތް އެއްޗެކެވެ. އެހެންނަމަވެސް ނާރުތަކުގެ ނަޒަރުން ބަލާއިރު އެ އަތް އަދިވެސް އެބަހުރި އެވެ.
ސްމެޖިކްގެ އަތާއި ލޯ ގެއްލިފައިވާ ނަމަވެސް، އެއީ ބޮސްނިއާގެ އަސްލު ބަޔާންކޮށްދޭ ހެއްކެކެވެ.