1. ޔޯގަޓް އާއި ފާމެންޓް ކޮށްފައިވާ ކިރުގެ ޕްރޮޑަކްޓްތައް
ޔޯގަޓް ނުވަތަ ތައްޔާރީ ކިރުން ހަދާފައިވާ އެއްޗެހި ހުސްބަނޑާއި ކެއުމުން ހައިޑްރޮކްލޮރިކް އެސިޑް އުފެދެއެވެ. މިއީ ކިރުގެ ޕްރޮޑަކްޓްތަކުގައި ހުންނަ ލެކްޓިކް އެސިޑް ބެކްޓީރިއާ މަރާ އެއްޗަކަށްވުމުން، ބަނޑުގައި ގޭސް އުފެދި އެސިޑިޓީ އާއި ކުރިމަތިލާން ޖެހެއެވެ. އެހެންކަމުން ހުސްބަނޑާއި މިއެއްޗެހި ކައިގެން ނުވާނެ އެވެ.
2. ދޮންކެޔޮ
ދޮންކޭލަކީ ބަނޑުހައިކަން ފިލުވައިދޭ ހަޖަމުގެ ނިޒާމަށް ވަރަށް ރަނގަޅު މޭވާއެކެވެ. ގިނަ އަދަދަކަށް މެގްނީސިއަމް އާއި ޕޮޓޭސިއަމް އެކުލެވިގެންވާ ދޮންކެޔޮ ހުސްބަނޑާއި ކައިފިނަމަ، ލޭގައި މެގްނީސިއަމް އާއި ޕޮޓޭސިއަމް ހުންނަ މިންވަރު ތަފާތުވެގެން ދެއެވެ.
3. ޓޮމާޓޯ
ވިޓަމިން ސީ އާއި ގިނަ އަދަދެއްގެ ނިއުޓްރިއެންޓްތައް ހިމެނުނު ކަމުގައިވިޔަސް، ޓޮމާޓޯ އަކީ ހުސްބަނޑާއި ކެއުން ރަނގަޅު އެއްޗެއް ނޫނެވެ. އެއީ ޓޮމާޓޯގައި ހުންނަ ޓޭނިކް އެސިޑް ބަނޑުގެ އެސިޑިޓީ އިތުރުކޮށް، ގޭސްޓްރިކް މައްސަލަތަކަށް މަގުފަހި ކުރުވާތީ އެވެ.
4. ޕެއާސް
ޕެއާސް ގައި ކްރޫޑް ފައިބާ ހުރެއެވެ. ހުސްބަނޑާއި ކައިފިނަމަ، އޭގެ ސަބަބުން ނާޒުކު މިއުކަސް މެމްބްރޭންތަކަށް ގެއްލުން ލިބިދާނެ އެވެ.
5. ހުތް މޭވާތައް
ހުތް މޭވާތަކަކީ ގިނަ އަދަދަކަށް ފްރުޓް އެސިޑްތައް ހިމެނިގެންވާ އެއްޗެހި އެވެ. އެހެންކަމުން ހުސްބަނޑާއި ކައިފިނަމަ، ހާޓްބާން (މެއިން ދިލަނެގުން) އާއި އެހެނިހެން ގޭސްޓްރިކް މައްސަލަތަކާއި ކުރިމަތިލާން ޖެހިދާނެ އެވެ.
6. ފެހި ރޯ ތަރުކާރީތައް
އެމައިނޯ އެސިޑުން ފުރިގެންވާ ކިއުކަމްބާފަދަ ފެހި ތަރުކާރީތައް ހުސްބަނޑާއި ކައިފިނަމަ، ފްލެޓުލެންސް (ހަޖަމުގެ ނިޒާމުގެ ހޮޅިތަކުގައި ގޭސް ހަރުލުން)، ބަނޑަށް ތަދުވުމާއި މެއިން ދިލަނެގުންފަދަ ކަންތައްތައް ކުރިމަތިވެދާނެ އެވެ.
7. ސައި އަދި ކެފެއިން ހިމެނޭ އެހެނިހެން ބުއިންތައް
ހުސްބަނޑާއި ސައި ނުވަތަ ކޮފީ ބުއިމަކީ އެސިޑިޓީ އިތުރުކޮށްދޭ ކަމެކެވެ. އަދި ހަމަ އެހެންމެ މުޅި ދުވަހު މެއިން ދިލަނަގައި ހަޖަމުގެ މައްސަލަތަކާއި ކުރިމަތި ކުރުވާ ކަމެއްވެސް މެއެވެ. މި ބުއިންތަކަކީ ހަޖަމް ކުރުމަށް ބޭނުންވާ ގޭސްޓްރިކް ޖޫސްތައް ރިލީޒްވުން ހުއްޓުވާ، ބައިލް އާއި އެސިޑް މަދުކޮށްދޭ ބުއިންތަކެކެވެ.