ތޫނު އެއްޗަކުން ހަމަލާދީ މާލޭގައި ޒުވާނަކު އައްޑޫ ޒުވާނަކު މަރާލައިފި އެވެ.
މާލޭގައި ތޫނު އެއްޗަކުން ހަމަލާދީ މަރާލާފައި ވަނީ ފޭދޫ ޗަނބޭލީގެ ޔާމީން ރަޝީދު އެވެ.
ޔާމީން ރަޝީދަކީ ބްލޮގަރެއްގެ އިތުރުން ދީނީ ހައްދު ފަހަނައަޅާ ދިޔުމާއި ސިޔާސީ އެކި ކަންކަމަށް ސޯޝަލް މީޑިއާގައި ހިޔާލުފާޅު ކުރަމުން އަންނަ ޒުވާނެކެވެ. މަޝްހޫރު ބްލޮގް 'ދަ ޑެއިލީ ޕެނިކް' ގެ ޗީފް އެޑިޓަރަކީ ވެސް ޔާމީން ރަޝީދެވެ.
ފުލުހުން މައުލޫމާތު ދޭ ގޮތުގައި ޔާމީން ރަޝީދު ޒަހަމް ތަކަކާއި އެކު މާފަންނު ގެއެއްގެ ސިޑި ކައިރިއަށް ޒުވާނަކު ވެއްޓިފައިވާކަމަށް ފުލުހުންނަށް ރިޕޯޓްކޮށްފައި ވަނީ ރޭ 2:59 އެހާކަށް ހާއިރުއެވެ. ޔާމީން ރަޝީދު ހޮސްޕިޓަލަށް ގެންގޮސްފައިވަނީ ފުލުހުންނެވެ.
މައުލޫމާތު ލިބިފައިވާ ގޮތުގައި ޒުވާނާގެ ކަރަށް ތޫނު އެއްޗަކުން ހަމަލާދީފައިވާއިރު މޭގެ ހަތަރު ތަނަކަށްވެސް ވަނީ ހަމަލާދީފައެވެ.
މި މަައްސަަލައިގެ ތަހުގީގު ފުލުހުންގެ ސީރިއަސް އެންޑް އޯގަނައިޒް ކްރައިމް ޑިޕާޓްމަންޓުން ފަށާފައިވާއިރު މިހާތަނަށް މީހަކު ހައްޔަރުކޮށްފައިވާ ކަމެއް ފުލުހުން ހާމަކޮށްފައެއް ނުވެއެވެ.
ޔާމީން ރަޝީދަކީ ބްލޮގަރެއްގެ އިތުރުން ދީނީ ހައްދު ފަހަނައަޅާ ދިޔުމާއި ސިޔާސީ އެކި ކަންކަމަށް ސޯޝަލް މީޑިއާގައި ހިޔާލުފާޅު ކުރަމުން އަންނަ ޒުވާނެކެވެ.
މީގެ އިތުރުން ޔާމީނަކީ ގެއްލުވާލާފައިވާ މިނިވަން ނޫހުގެ ކުރީގެ ނޫސްވެރިއާ ރިލްވާން އާއި ގާތް ގުޅުމެއް އޮންނަ ފަރާތެކެވެ. ބައެއް މީޑިއާ ތަކުން ރިޕޯޓް ކޮށްފައިވާ ގޮތުގައި ޔާމީނަށް މަރުގެ އިންޒާރުތަކެއް ލިބުނު މައްސަލައެއް ފުލުހުންނަށް ވަނީ ހުށަހަޅާފައެވެ. ނަމަވެސް މިކަމާއި ގުޅިގެން ފުލުހުންގެ ބަހެއް އަދި ނުލިބެއެވެ.
ޔާމީންގެ ކުއްލި މަރާއި އެކު އެތައް ބަޔަކު އަންނަނީ ރާއްޖޭގައި ހިޔާލްފާޅު ކުރުމާއި، ނޫސްވެރިންނަށް ރާއްޖޭގައި އަމާން މާހައުލެއް ނެތްކަމަށް ބުނަމުންނެވެ.