ޗޮކްލެޓަކީ އެންމެން ވެސް ވަަރަށް ގާޔާވާ އެއްޗެކެވެ. ކޮންމެ މީހަކަށް ވެސް ޗޮކްލެޓެއް ލިބިއްޖެ ނަމަ ވަރަށް އުފާވާނެ އެވެ. މީގައި ބޮޑު މީހެއް ކުޑަ ކުއްޖެއް ތަފާތެއް ނެތެވެ.
އެހެންވެ ޗޮކްލެޓަކީ އަބަދު ވެސް ކާލަން ހިތް އެދޭ އެއްޗެކެވެ.
ފަހުގެ ދިރާސާއަކުން ހާމަވެފައިވާ ގޮތުގައި ޗޮކްލެޓްތަކުގެ ތެރެއިން ވަކިން ހާއްސަކޮށް، ޑާކް ޗޮކްލެޓްގެ ފައިދާތައް ގިނަވެފައި ބޮޑެވެ.
އެގޮތުން ޑާކް ޗޮކްލެޓް ކެއުމުން "ސިކުނޑި ޒުވާންކޮށްދޭ" ކަމަށާއި އެއީ ހަނދާން ނެތުން ފަދަ ބަލިތަކުން ރައްކާތެރިކޮށްދޭ ކަމެއް ކަމަށް މިހާރު ވަނީ ހޯދިފަ އެވެ.
އެމެރިކާގެ ސެން ޑިއާގޯގެ ޔުނިވަސިޓީ އޮފް ކެލިފޯނިއާ އިން ހެދި ދިރާސާ އިން ހާމަވި ގޮތުގައި ޑާކް ޗޮކްލެޓްގައި އެކުލެވޭ މާއްދާތަކުގެ ސަބަބުން ފިކުރުތައް ކުޑަކޮށް ދިނުމާ އެކު، ކަންކަން ގިނަ ދުވަހަށް ހަނދާނުގައި ހަރުލާން އެހީތެރިވެ އެވެ.
އެހެންވެ އާދަވެގެން ޑާކް ޗޮކްލެޓް ކާ ނަމަ، ސިއްހީ ގިނަ ފައިދާތަކެއް ލިއްބައި ދޭނެ އެވެ.
އެ ދިރާސާގައި އަދި ބުނީ ޑާކް ޗޮކްލެޓް ކެއުމުން، ސިކުނޑީގެ މަސައްކަތްތައް ހަމައަކަށް އަޅުވައި ދޭން ބާރަކަށްވާ ކަމަށެވެ.
އެހެންވެ ޗޮކްލެޓް ކާ ނަމަ، ޑާކް ޗޮކްލެޓެއް އިހުތިޔާރުކޮށްލުން ބުއްދިވެރި އެވެ.