ދިވެހި ރުފިޔާގެ ނޫޓްތަކުގެ ތެރޭގައި މިހާރު ބޭނުން ކުރާ ހަމައެކަނި ބާ ނޫޓް ކަމަށްވާ، ފަސް ރުފިޔާގެ ޕޮލިމާ އާ ނޫޓް އަންނަ މަހު ތައާރަފު ކުރަން މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ނިންމައިފި އެވެ.
މަރުކަޒީ ބޭންކުން ބުނީ ފަސް ރުފިޔާގެ އާ ނޫޓު ތައާރަފު ކުރުމަށް ނިންމާފައި ވަނީ އަންނަ މަހުގެ 10 ގައި ކަމަށެވެ.
ފަސް ރުފިޔާގެ ނޫޓެއް އާ ތައާރަފު ކުރަން ނިންމާފައި ވަނީ ނޫޓްގެ ބަދަލުގައި ފަސް ރުފިޔާނެ ކޮއިނެއް ނެރެން ވެސް ކުރިން ނިންމާފައި ވަނިކޮށެވެ.
އެމްއެމްއޭ އިން ބުނީ ފަސް ރުފިޔާގެ އާ ނޫޓަކީ މިހާރު ބޭނުންކުރާ ޕޮލިމާ ނޫޓުތަކާ އެއްސައިޒެއްގެ ރައްކާތެރިކަން މާ ބޮޑު އަދި ގެންގުޅެން ފަސޭހަ ނޫޓަކަށް ވާނެ ކަމަށެވެ. ބުންޏެވެ.
ފަސް ރުފިޔާގެ ނޫޓްގެ ޑިޒައިން ވެސް ހުންނާނީ މިހާރު ބޭނުން ކުރާ "ރަންދިހަ ފަހެއް" ނޫޓްތަކުގެ އެއް ކޮންސެޕްޓަށެވެ.
ފަސް ރުފިޔާގެ އާ ނޫޓު ވެސް ޑިޒައިން ށްފައި ވަނީ، ކުރީގެ ނޫޓުތައް ވެސް ޑިޒައިން ކުރި އަބްދުﷲ ނަޝާތު އެވެ.
ރާއްޖޭގެ މިނިވަން ކަމަށް 50 އަހަރު ފުރުމާ ދިމާކޮށް، މިދިޔަ އަހަރު ނެރުނު "ރަން ދިހަ ފަހެއްގެ ނޫޓް ސީރީޒްގެ ދަށުން 10ރ. 20ރ، 50، 100ރ، 500ރ. އަދި 1000ރ. ގެ ނޫޓް ނެރެފައިވެ އެވެ.
އެމްއެމްއޭ އިން ބުނީ މިހާރު ބޭނުން ކުރާ ދެ ރުފިޔާގެ ފައިސާ ފޮއްޗަށް ވުރެ ލުއި ފައިސާ ފޮއްޗެއް ވެސް މި އަހަރު ނެރެން ހަމަޖައްސައިފައިވާ ކަމަށެވެ.