އައްޑޫގައި ރަނގަޅު ފެންވަރަކަށް ބާބަކިއު، ޕާޓީ އަދި ޕިކްނިކް ފަދަ ހަރަކާތްތައް ބޭއްވޭނެ ވަސީލަތްތަކެއް ގާއިމު ކުރުމަށް އައްޑޫ ސިޓީ ކައުންސިލުން ނިންމަައި، އެ ތަންތަން ޑިޒައިންކޮށް ދޭނެ ފަރާތެއް ހޯދަން އިއުލާންކޮށްފި އެވެ.
ކައުންސިލުން ބުނީ މިކަމަށް ޝައުގުވެރިވާ ފަރާތްތަކަށް ޕްރޮޕޯސަލް ހުށަހެޅުމުގެ ފުރުސަތު އަންނަ މަހުގެ 4 ވަނަ ދުވަހާ ހަމައަށް ހުޅުވާލައިފައިވާ ކަަމަށެވެ.
މިކަމާ ބެހޭ ގޮތުން މައުލޫމާތު ދިނުން އަންނަ ބުރާސްފަތި ދުވަހު މެންދުރު ފަހު 1:00 ގައި ކައުންސިލް އިދާރާގައި އޮންނާނެ އެވެ.
ކައުންސިލުން ބުނީ މަޢުލޫމާތު ސާފު ކުރަން ނުދާ ފަރާތްތަކުގެ ޕްރޮޕޯސަލްތައް ބަލައި ނުގަންނާނެ ކަމަށެވެ.
އައްޑޫގައި ޕިކްނިކް އޭރިއާތަކެއް ހަދަން މީގެ ކުރިން ވެސް ކައުންސިލުން މަސައްކަތްކޮށްފައިވެ އެވެ. އެކަމަކު މިހާތަނަށް އެކަން ކާމިޔާބުވެފައެއް ނުވެ އެވެ.
އެެގެން ނަމަވެސް ދަތުރު ގޮސް އުޅޭނެ ރަައްކާތެރި ސަރަހައްދެއްގެ މުހިއްމުކަން އައްޑޫ ރައްޔިތުންނަށް ވަރަށް ބޮޑުކަން ފާހަގަކޮށްލެވެ އެވެ.