އިންޑިއާގެ ކްރިކެޓް ކުޅުންތެރިން ބޮލީވުޑްގެ ބަތަލާއިންނާ ލޯބީގެ ގޮތުން ގުޅި، ކައިވެނި ކުރުމަކީ އެއްގޮތަކަށް ވެސް އާ ކަމެއް ނޫނެވެ.
މި ފަހަރު މި ލިސްޓަށް އިތުރުވީ މަޝްހޫރު ކްރިކެޓް ކުޅުންތެރިޔާ ޒަހީރް ހާނާއި ބަތަލާ ސަގަރިކާ ގަތުކޭ އެވެ. އެ ދެ މީހުން މިހާރު ވަނީ ރަސްމީކޮށް އެންގޭޖްވެފަ އެވެ.
އެންގޭޖްވިކަން ސޯޝަލް މީޑިއާގައި ދެ މީހުން ވަނީ އާންމުކޮށް، އެންގޭޖްމަންޓް އަނގޮޓި ވެސް ދައްކާލައިފަ އެވެ.
Never laugh at your wife's choices. You are one of them !!! Partners for life. #engaged @sagarikavghatge pic.twitter.com/rUOtObFhiX
— zaheer khan (@ImZaheer) April 24, 2017
"ޗަކް ދޭ އިންޑިއާ" އާއި "ރަޝް" ފަދަ ފިލްމްތައް ކުޅެފައިވާ ސަގަރިކާއާ ރައްޓިހިވުމުގެ ކުރިން ޒަހީރު ވަނީ "ކިސްނާ" ފަދަ ފިކްމްތައް ކުޅެފައިވާ އީޝާ ޝަރްވާނީއާ ވެސް ރައްޓެހިވެގެން ދުވަސްތަކެއް ވަންދެން އުޅެފަ އެވެ.
ބެލެވޭ ގޮތުން މިހާރު ކުރިއަށްދާ ކްރިކެޓް މުބާރާތް އިންޑިއަން ޕްރިމިއާ ލީގް (އައިޕީއެލް) ނިމުމުން ޒަހީރް، 38 އާއި ސަގަރިކާ، 36، ގެ ކައިވެނި ވެސް އިއުލާން ކުރާނެ އެވެ.
ކްރިކެޓް ކުޅުންތެރިންގެ ތެރެއިން އެންމެ ފަހުން ބަތަލާއަކާ ކައިވެނި ކުރީ ޔުވްރާޖް ސިންގް އެވެ. އޭނާ ކައިވެނި ކުރީ "ބޮޑީގާޑް" ފަދަ ފިލްމްތައް ކުޅެފައިވާ ހެޒެލް ކީޗްއާ އެވެ.
ހަރްބަޖަން ސިންގާއި ބަތަލާ ގީތާ ބަސްރާ ވެސް ކައިވެނިކޮށް މިހާރު ވަނީ ދަރިއަކު ލިބިފަ އެވެ.
މަޝްހޫރު ކްރިކެޓް ކުޅުންތެރިޔާ ވިރާޓް ކޯލީ އާއި ބަތަލާ އަނުޝްކާ ޝަރްމާ ވެސް އުޅެނީ ރައްޓެހިވެގެންނެވެ.