އައްޑޫސިޓީ ކައުންސިލާއި ޤައުމީ ޔުނިވަސިޓީ ގުޅިގެން ހިތަދޫ ގައި ގާއިމުކޮށްފައިވާ "ސިޓީ ބާޒާރު" ގެ ފިހާރަތަކުގެ ތެރެއިން ފިހާރަތަކެއް އަނެއްކާ ވެސް ކުއްޔަށް ދޫކުރަން ކައުންސިލުން އިއުލާންކޮށްފި އެވެ.
މި ފަހަރު ކުއްޔަށް ދޫކުރަން ނިންމާފައި ވަނީ ކުރިން ކުއްޔަށް ދޫކުރި ފިހާރަ ނަމްބަރި 6 އާއި ފިހާރަ ނަމްބަރު 7 އެއްބަސްވުމާ އެއްގޮތަށް މަސައްކަތް ނުގެންދާތީ އެތަންތަން ލިބުނު ފަރާތްތަކުގެ އަތުން ނަގައިގެންނެވެ.
ކައުންސިލުން ބުނީ އެކި ބާވަތުގެ ވިޔަފާރިތަކަށް ޚާއްސަކޮށްގެން ކުއްޔަށްދޭ ފިހާރަތަކަށް ޝައުޤުވެރިވާ ފަރާތްތަކުން ސިޓީ ބާޒާރުގެ ފިހާރަތައް ކުއްޔަށް ހޯދުމަށް އެދޭ ފޯމް ފުރިހަމަ ކުރުމަށް ފަހު ކައުންސިލަށް އަންނަ މަހުގެ 8 ގެ ކުރިން ހުށަހަޅަން ޖެހޭނެ ކަމަށެވެ.
ފޯމު ސެޓް ކައުންސިލްގެ އިދާރާއިން މިހާރު ގަންނަން ލިބޭނެ އެވެ. ސެޓެއްގެ އަގަކީ 150ރ. އެވެ.
ސިޓީ ބާޒާރުން ދޫކުރި ބައެއް ތަންތަނުގައި މިހާރު އަންނަނީ ވިޔަފާރިތައް ކުރަމުންނެވެ.