1. ވިޓަމިން ޑީ
މިއީ ކަށިތައް ވަރުގަދަ ކުރުމުގެ އިތުރުން ވަރަށް ގިނަ އެހެނިހެން ފައިދާތައް ލިއްބައިދޭ މިނަރަލް އެކެވެ. އެންމެ ފަހުގެ ރިޕޯޓްތަކުން ދައްކާ ގޮތުގައި ގިނަ ކުޑަކުދިންނާއި، ފުރާވަރުގެ ކުދިންނާއި ބޮޑެތި މީހުންނަކީ ވިޓަމިން ޑީ އެކަށީގެންވާ ވަރަށްވުރެ މަދުން ހުރުމުގެ މައްސަލަތަކާއި ކުރިމަތިލާ މީހުންނެވެ.
އެކަށީގެންވާ މިންވަރަށް ވިޓަމިން ޑީ ހުރުމަކީ ހަކުރުބަލި، ހިތުގެ ބަލިތައް އަދި ކެންސަރަށް އިތް އެންމެ އަވަސް އެއް ޝިފާއެވެ. އެންމެ ގިނައިން ވިޓަމިން ޑީ ލިބެނީ އިރުގެ އަލިންނެވެ. މީގެ އިތުރުންވެސް ވިޓަމިން ޑީ ހޯދުމަށްޓަކައި ބޭނުންކުރެވޭނެ ކާބޯތަކެތީގެ ތެރޭގައި ބިހުގެ ގޮބޮޅި އާއި މަސް ހިމެނެއެވެ.
2. ލޮނުމެދު
ލޮނުމެދަކީ ހަށިގަނޑުގެ ދިފާޢީ ނިޒާމު ވަރުގަދަކޮށްދޭ އެއްޗެކެވެ. އެހެންކަމުން މިއީ ވަރަށް ގިނަ ބަލިތަކަށް އޮތް ރަނގަޅު ފަރުވާއެކެވެ.
3. ގްރީން ޓީ ނުވަތަ ކެމޮމައިލް ޓީ
މިއީވެސް ހަށިގަނޑުގެ ދިފާޢީ ނިޒާމު ވަރުގަދަކޮށްދޭ އެއްޗެހި އެވެ. އެންޓިއޮކްސިޑެންޓުން ފުރިގެންވާ ގްރީން ޓީ އާއި ކެމޮމައިލް ޓީ އަކީ ދިފާޢީ ބާރު އިތުރުކޮށް، ބަލިތަކުން އަވަހަށް ރަނގަޅުކޮށްދޭ އެއްޗެހި އެވެ.
4. އެންޓިއޮކްސިޑެންޓްސް
އެންޓިއޮކްސިޑެންޓްތަކުން ލިބިދޭ ސިއްޙީ ފައިދާތަކަށް ނިމުމެއް ނުވެއެވެ. އެންމެ ފުރަތަމަ ކަމަކަށް މިއީ ހަށިގަނޑުގެ ދިފާޢީ ނިޒާމް ވަރަށް ވަރުގަދަކޮށްދޭ އެއްޗެކެވެ. ސަންފްލާވާ އޮށް، ގޯޖީ ބެރީސް އަދި ބަރަބޯ އޮށްތަކަކީ އެންޓިއޮކްސިޑެންޓް ގިނަ އަދަދަކަށް އެކުލެވިގެންވާ އެއްޗެހި އެވެ.
5. ކަސްރަތު ކުރުން
ބަލިނަމަ އެހާ ބުރަކޮށް ކަސްރަތު ނުކުރާށެވެ. އެފަދަ ޙާލަތްތަކުގައި ވީހާވެސް ބުރަ ކުޑަ ކަސްރަތުތައް ކުރާށެވެ. އަދި ހަށިގަނޑަށް އެހާ ބޮޑަށް ޕްރެޝަރު ނުކުރެވޭތޯ ބަލާށެވެ. ބުރަ ކުޑަ ކަސްރަތުތަކުގެ ތެރޭގައި ސާފު ވައި ހޯދުމަށްޓަކައި ބޭރަށް ދިޔުން، ހިނގުން އަދި ޔޯގާ ހިމެނެ އެވެ.
6. ތައްޔާރީ ކާނާތަކާއި ދުރުހެލިވުން
ބަރުދަން ލުއިކޮށް ލޫޅާފަތި ހަށިގަނޑެއް ބޭނުންނަމަ، ވީހާވެސް ބޮޑަށް ތައްޔާރީ ކާނާތަކާއި ދުރުހެލިވާށެވެ. އެއީ އާންމުކޮށް ތައްޔާރީ ކާނާތަކުގައި ގިނަ އަދަދަކަށް ދުޅެހެޔޮ ނޫން ފެޓްސް އެކުލެވިގެންވާތީ އެވެ.
7. ވީހާވެސް ބޮޑަށް އަރާމް ކުރުން
އެންމެ ދުޅަހެޔޮ ސިއްޙަތަކަށާއި ވަރުގަދަ ދިފާޢީ ނިޒާމަކަށް އޮތް މަގަކީ ވީހާވެސް ބޮޑަށް އަރާމް ކުރުމެވެ. އޭގެ މާނައަކީ ހަށިގަނޑަށް ބޭނުންވާ މިންވަރަށް ނިދި ހޯދުމެވެ. ނިދުމަކީ ސެލިއުލާ ލެވެލްއަށް ބަލާއިރު، ދިފާޢީ ބާރު އިތުރުކޮށްދޭ ކަމެކެވެ.
8. ދިފާޢީ ނިޒާމް ބާރުގަދަކޮށްދޭ އެއްޗެހި ކެއުން
ކޮމްބުޗާ އަކީ ބަނޑުގައި ރަނގަޅު ބެކްޓީރިއާ އުފައްދައިދޭ ފާމެންޓް ކޮށްފައިވާ ސައެކެވެ. އެ ރަނގަޅު ބެކްޓީރިއާ ތަކަކީ ނުރައްކާތެރި ޕެތޯޖެންތަކުން ހަށިގަނޑު ރައްކާތެރިކޮށްދޭ ބެކްޓީރިއާ ތަކެކެވެ. އެ ސައި ތައްޔާރު ކުރަނީ ކަޅު ސައި ނުވަތަ ގްރީން ޓީގެ ތެރެއަށް ހަކުރު އެޅުމަށްފަހު، އޭގެ ތެރެއަށް ބެކްޓީރިއާ އާއި އީސްޓް އަޅައިގެންނެވެ. އެގޮތަށް ކަންތައް ކުރުމަށްފަހު ސައި ފާމެންޓް ވަންދެން ބަހައްޓާށެވެ. ޔޯގަޓް، ކިމްޗީ އަދި އެޕަލް ސިޑާ ވިނެގާ އަކީ ވެސް ދިފާޢީ ނިޒާމަށް ރަނގަޅު ކާނާއެވެ.