ހުޅުދޫ އަދި މީދޫގެ ނަރުދަމާގެ ނިޒާމް ގާއިމްކުރުމުގެ މަޝްރޫޢު އިފްތިތާޙްކޮށްފި އެވެ.
މި މަޝްރޫޢު އިފްތިތާޙް ކޮށްދެއްވީ މިނިސްޓަރ އޮފް އެންވަޔަރަންމަންޓް އެންޑް އެނަޖީ ތޯރިގް އިބްރާހީމެވެ.
ނަރުދަމާ ނިޒާމު ގާއިމްކުރުމުގެ މަޝްރޫޢު އިފްތިތާހްކުރުމަށް ބޭއްވި ރަސްމިއްޔާތުގައި ހުޅުދޫ އަދި މީދޫގެ ގިނަ އަދަދެއްގެ ރައްޔިތުން ވަނީ ބައިވެރިވެފައެވެ.
އޯޕެކް ފަންޑުގެ އެހީގައި ކުރިއަށް ގެންދާ މަޝްރޫޢުގެ މަސައްކަތް ކުރަނީ ސިއެރާ ކޮންސްޓްރަކްޝަން ޕްރައިވެޓެ ލިމިޓެޑުންނެވެ.
މައުލޫމާތު ލިބިފައިވާ ގޮތުގައި ނަރުދަމާ ގާއިމްކުރުމުގެ މަސައްކަތް 2018 ވަނަ އަހަރުގެ މާރޗް މަހުގެ ނިޔަލަށް ނިންމަންޖެހެއެވެ.