ތެލެގޫ އެކްޓަރު ޕްރަބާސްގެ "ބާހްބަލީ: ދަ ކޮންކްލޫޝަން" މިއަދު ރިލީޒްކޮށް، މުޅި އިންޑިއާ އަށް ސުނާމީއެއްހެން ފެތުރިފައިވާ އިރު، އޭނާގެ އެހެން ފިލްމެއްގެ ހިންދީ ޓީޒާއެއް ވެސް މިއަދު ދައްކާލައިފި އެވެ.
އެއީ އަންނަ އަހަރު ރިލީޒް ކުރާ "ސާހޯ" އެވެ.
ވަމްސީ ކްރިޝްނާ ރެޑީ އާއި ޕްރަމޯދް އުއްޕަލަޕަޓީ ޕްރޮޑިއުސްކޮށް، ސުޖީތު ޑައިރެކްޓްކޮށްފައިވާ މި ފިލްމަކީ އެކްޝަން ތުރިލާއެކެވެ.
އެހެން ނަމަވެސް "ސާހޯ" ގެ ފުރަތަމަ ޓީޒާއާ އެކު، ފިލްމާ ބެހޭ މާ ގިނަ މައުލޫމާތެއް އަދި ހާމަކޮށްފައެއް ނުވެ އެވެ. އެކަމަކު މި ޓީޒާ އިން ފެންނަ ގޮތުގައި މި ފިލްމްވެގެން ދާނީ ވަރަށް ޒަމާނީ ފިލްމަކަށެވެ.
ފާހަގަކޮށްލަން ޖެހޭ އަނެއް ކަމަކީ "ސާހޯ" ގައި ޕްރަބާސް ފެނިގެން ދާނީ "ބާހްބަލީ" ގެ ފިލްމުތަކުން އޭނާ ފެނިގެން ދިޔަ ގޮތާވަރަށް ތަފާތުކޮށެވެ.