"ފެޝަން" އާއި "ޗާންދްނީ ބާ" ފަދަ ފިލްމްތައް ބެލުންތެރިންނާ ހަމައަށް ގެނެސް ދީފައިވާ މަޝްހޫރު ޑައިރެކްޓަރު މަދުރް ބަންޑާކަރްގެ މައްޗަށް ރޭޕްގެ ތުހުމަތުކޮށް، އޭނާ މަރާލަން ވެސް ރޭވިކަމުގެ ކުށް ސާބިތުވެ މުމްބާއީގެ މޮޑެލެއް ކަމަށްވާ ޕްރިތީ ޖެއިން ތިން އަހަރަށް ޖަލަށް ލައި، 10،000 ރުޕީސް އިން ޖޫރިމަނާ ކުރަން މުމްބާއީގެ ކޯޓަކުން ހުކުމްކޮށްފި އެވެ.
އޭނާގެ މައްޗަށް އިއްވި ހުކުމްގައި ބުނެފައި ވަނީ މަދޫރު މަރާލަން ދެ މީހަކަށް ޕްރިތީ ފައިސާ ވެސް ދީފައިވާ ކަމަށާއި އެ މީހުންގެ މައްޗަށް ވެސް ކުށް ސާބިތުވާ ކަމަށެވެ.
އެ ދެ މީހުންނަކީ ނަރޭޝް ޕަރްދޭޝް އާއި ޝިވްރާމް ދާސް އެވެ.
ރިޕޯޓްތައް ބުނާ ގޮތުން މަރުދު މަރާލަން ޕްރިތީ ވަނީ އެ ދެ މީހުންނަށް 75،000 ރުޕީސް ވެސް ދީފަ އެވެ. އެކަމަކު އެއްބަސްވި ގޮތަށް އެކަން ނުކުރެވުމުން، ޕްރިތީ ވަނީ ފައިސާ ވެސް ހޯދަން މަސައްކަތްކޮށްފައި ކަމަށްވެ އެވެ.
މި މައްސަލަ ކޯޓަަށް ވައްދާފައި ވަނީ ސެޕްޓެމްބަރު 10، 2005 ގަ އެވެ.
ޕްރިތީގެ މައްޗަށް އިއްވި ހުކުމް އިސްތިއުނާފު ކުރަން މިހާރު ވަނީ ނިންމައިފަ އެވެ.