މޯލްޑިވިއަން އައިޑޮލް ސީޒަން ދޭއްގެ ފިނާލޭ އަށް މުހައްމަދު ތަސްނީމް (ބޮބް) އާއި ހަމޫދު އަހުމަދު އަދި ޝަމްވީލް މުހައްމަދު (ބަރޯ) މި ރޭ ދަތުރުކޮށްފި އެވެ.
ގަދަ ފަސް ބައިވެެރިންނާ އެކު، ޝޯ ފެށި ނަމަވެސް، ޝޯ ނިންމާލީ، ދެ ބައިވެރިއަކު ކަޓުވާލައި، މުބާރާތިގ ފައިނަލްގައި ވާދަ ކުރާ ގަދަ ތިނެއް ކަނޑައެޅުމަސް ފަހު އެވެ.
މޯލްޑިވިއަން އައިޑޮލް 2 ގެ ފިނާލޭ އޮންނާނީ އަންނަ މަހުގެ 13 ވަނަ ދުވަހުގެ ރެ އެވެ.
އެކަމަކު އޭގެ ކުރިން ގަދަ ތިނެއްގެ ހުށަހެޅުންތަކެއް އަންނަ މަހުގެ 12 ވަނަ ދުވަހުގެ ރޭ އޮންނަ ޕްރި ފިނާލޭ ޝޯ އިން ބެލުންތެރިންނަށް ފެނިގެން ދާނެ އެެވެ.
ޓީވީއެމުން ގެނެސްދޭ މޯލްޑިވިއަން އައިޑޮލްއަކީ ރާއްޖޭގައި ބާއްވާ އެންމެ ބޮޑު ރިއަލިޓީ ޝޯ އެވެ. އަދި މިއީ ފްރެންޗައިޒް އުސޫލުން ބާއްވާ ހަމައެކަނި ޝޯ ވެސް މެ އެވެ.