ބަރުދަން ލުއިކޮށް ބަނޑު ހިންދުމަށްޓަކައި ކައިބޮއެ އުޅެންވީ އެއްޗެހީގެ ވާހަކަ ވަރަށް ގިނައިން އިންޓަނެޓުން ފެންނާނެ އެވެ.
އެހެން ނަމަވެސް އެ ހުރިހާ ރެސިޕީތަކަކީ ރަނގަޅަށް މަސައްކަތް ކުރާ ރެސިޕީތަކެއް ނޫނެވެ. އެކަމަކު ތިރީގައި މިވާ ރެސިޕީ ހަމަގައިމުވެސް ބަނޑު ހިންދާލަދޭނެ ރެސިޕީއެކެވެ.
މި ބުއިމަކީ އެއްވެސް ސައިޑް އިފެކްޓެއް އަދި އެލާޖީއަކާއިމެދު ކަންބޮޑުވާން ނުޖެހި ބޭނުން ކުރެވޭނެ ބުއިމެކެވެ. ގޭގައި ފަސޭހައިން ތައްޔާރުކޮށްލެވޭ މި ބުއިމަކީ އެންމެ ހަތް ދުވަހުގެ ތެރޭގައި 3.6 ކިލޯ ލުއިކޮށްދޭ ބުއިމެކެވެ.
ބޭނުންވާނެ ތަކެތި:
- 1 ލުނބޯ
- 1 އިނގުރު
- ކުޑަ މިންޓް ފަތްކޮޅެއް (ތާޒާ)
- 1 ކިއުކަމްބާ
- 8 ޖޯޑު ފިލްޓާކޮށްފައިވާ ފެން
ތައްޔާރު ކުރާނެ ގޮތް:
- ލުނބޯ އާއި ކިއުކަމްބާ ރަނގަޅަށް ދޮވެލާފައި، ކޮށާލުމަށްފަހު ފެން އެތީގެ ތެރެއަށް އަޅާށެވެ. މިންޓް ފަތްކޮޅު ވެސް އޭގެ ތެރެއަށް އަޅާލާށެވެ.
-
އިނގުރު ނޮޅާފައި ގާނާފައި ފެން އެތީގެ ތެރެއަށް އަޅާލާށެވެ. އެއަށްފަހު ހުރިހާ އެއްޗެއް ރަނގަޅަށް އެއްކޮށްލާށެވެ.
- ފެން ތަށިގަނޑު ފްރިޖަށް ލާށެވެ. އެންމެ ރަނގަޅު ގޮތަކީ ރޭގަނޑު ތައްޔާރު ކޮށްފައި މުޅި ރޭ ވަންދެން ފްރިޖުގައި ބެހެއްޓުމެވެ.
- އަނެއް ދުވަހުގެ ހެނދުނު ފެން ތަށިގަނޑު ފްރިޖުން ނެގުމަށްފަހު ފުރާނާށެވެ. އެއަށްފަހު ހެނދުނު ސައި ބުއިމުގެ ކުރިން ހުސްބަނޑާއި އެ ފެން ބޮއެލާށެވެ.
މި ފެން ތަށި ބުއިމުން ބަނޑުހައިކަން ފިލާނެއެވެ. ހަށިގަނޑަށް ބޭނުންވާ މިންވަރަށްވުރެ ގިނައިން ނުކާނަމަ، މަޑުމަޑުން ބޮޑީ ފެޓް ދަށްވާނެ އެވެ.
އަދި ގަވާއިދުން ކަސްރަތު ކުރާނަމަ، ހަށިގަނޑުގައި ހުންނަ އެކްސެސް ފެޓް ވެސް ވިރާނެއެވެ.
މަތީގައިވާ ރެސިޕީ އަކީ ހަށިގަނޑުގެ ދިފާޢީ ނިޒާމަށް ވަރަށް ރަނގަޅު އެއްޗެކެވެ.
މީގެ އިތުރުން އެ ބުއިމަކީ ހަށިގަނޑުގެ މެޓަބޮލިޒަމް އަވަސްކޮށްދީ، ގޯސް ކޮލެސްޓްރޯލް ލެވެލްތައް ދަށްކޮށްދީ ހަޖަމު ކުރުމުގެ ނިޒާމު ރަނގަޅުކޮށްދޭ ބުއިމެކެވެ.