މިދިޔަ އަހަރު ހިދުމަތަށް އަލަށް ނިކުތް އިންޝޫރަންސް ކުންފުނި ސޮލެރަލް އިންޝޫރެންސްގެ ބްރާންޗެއް އައްޑޫގައި ހުޅުވަން ނިންމައިފި އެވެ.
އެ ކުންފުންޏަށް އެއް އަހަރު ފުރުން ފާހަގަ ކުރަން ހޮޓެލް ޖެންގައި ރޭ ބޭއްވި ހަފްލާގައި ސޮލެރަލްގެ މެނެޖިން ޑިރެކްޓަރު އަދި ޗެއާމަން ބަންދު އިބްރާހިމް ސަލީމް ވިދާޅުވީ އެ ކުންފުންޏަކީ އަދި ފައްކާވަމުން އަންނަ ކުންފުންޏެއް ކަމަށާއި މި އަހަރުގެ ތެރޭގައި އައްޑޫގައި ކުންފުނީގެ ބްރާންޗެއް ހުޅުވާނެ ކަމަށެވެ.
"މި ކުންފުންޏަށް އަދި މިވީ އެންމެ އަހަރެއް ކަމުގައިވީ ނަމަވެސް އަޅުގަނޑުމެން ބޭނުން ވަނީ އަޅުގަނޑުމެންގެ މާކެޓް ޝެއާ އިތުރު ކުރަން،" ބަންދު ސަލީމް ވިދާޅުވި އެވެ.
އޭނާ ވިދާޅުވީ އެ ކުންފުނީގެ ބްރާންޗެއް މި އަހަރުގެ ޖުލައި މަސް ނިމުމުގެ ކުރިން އައްޑޫގައި ހުޅުވަން ހަމަޖައްސާފައިވާ ކަމަށެވެ. އަދި އެ ބްރާންޗުގެ ސަބަބުން އައްޑު އަށް ކުރިއެރުންތަކެއް އަންނާނެ ކަމަށް އޭނާ ވިދާޅުވި އެވެ.
ސަތޭކަ ޕަސަންޓް ދިވެހިންގެ ހިއްސާ އޮންނަ ސޮލަރެލް އިންޝުއަރަންސްގެ ވިޔަފާރިއަށް އެއް އަހަރު ފުރުނު އިރު ކުންފުނި ފުޅާ ކުރުމުގެ މަސައްކަތް މިހާރު ވަނީ ފަށައިފަ އެވެ.