ރަހުމް ކުޑަ ގޮތަކަށް މަރާލާފައި އޮތްވައި މިދިޔަ ހަފުތާގައި ފެނުނު ޒުވާން ބްލޮގަ އަދި ސޯޝަލް މީޑިއާ އެކްޓިވިސްޓް ޔާމީން ރަޝީދުގެ މަރުގެ ތުހުމަތުގައި ޒުވާނަކު ހައްޔަރުކޮށްފި އެވެ.
މައުލޫމާތު ލިބިފައިވާ ގޮތުގައި ޔާމީން މަރާލާފައި އޮތްވާ ފެނުނު މ. ސެޕެޓުލާ ކައިރިން ޒުވާނަކު ހައްޔަރުކޮށްގެން ފުލުހުން ގޮސްފައިވާ އިރު މިކަމާއި ގުޅިގެން ފުލުހުން އެއްވެސް ވާހަކައެއް ނުދެއްކިއެވެ.
ޔާމީން މަރާލިތާ ހަފްތާއެއްވެފައިވާ އިރު މިހާތަނަށް ފުލުހުން އާއްމުކޮށްފައިވަނީ ދެމީހެއްގެ "ފުސް" ފޮޓޯގަނޑެކެވެ.
މާފަންނު ބިސް ބުރު ހިމެނޭ ސަރަހައްދު ފުލުހުން ބަންދުކޮށްފައިވާ އިރު މި ހާދިސާ އާއި ގުޅިގެން ފުލުހުންގެ ފަރާތުން އާއިލާ އާއި ހިއްސާ ކުރި މައުލޫމާތަށް ބަލާއިރު މިއަމަލް ހިންގި ފަރާތްތައް އަދި ދެނެގަނެވިފައިނުވާކަމަށް ފުލުހުން ބުނެފައިވާ ކަމަށް އާއިލާއިން ވަނީ ބުނެފައެވެ.
މި މައްސަލަ އިންސާފުވެރި ގޮތެއްގައި ތަހްގީގު ކުރުމަށް ބައިނަލް އަގްވާމީ ފަރާތްތަކުން މިވަނީ ގޮވާލާފައެވެ.