ކުރިއަށް އޮތް ހަފުތާ ތެރޭގައި އައްޑޫގައި އަޅުވަން ހަމަޖެހިފައިވާ ޑާކް ރެއިން އެންޓަޓައިންމަންޓްގެ ފިލްމް "މީ ލޯތްބަކީ" ގެ ޓިކެޓް ބުކްކޮށް ދޭން ފަށައި، ޓިކެޓް މާދަމާ އިން ފެށިގެން ޓިކެޓްނ ވިއްކަން ނިންމައިފި އެވެ.
މި ފިލްމް މަރަދު އާއި ހިތަދޫގައި އަޅުވަން ވަނީ ނިންމައިފަ އެވެ.
މަރަދޫ ބޮޑޮގޭގައި އަޅުވާ ޝޯތަކުގެ ޓިކެޓް މާދަމާ ހަވީރު 4:30 އިން ފެށިގެން އެ އަވަށު "1000 ބީސީ" ރެސްޓޯރަންޓުން ވިއްކަމުން ގެންދާނެ އެވެ. ބޮޑޮގޭގައި މި މަހުގެ 10-13 އާ ހަމައަށް ޝޯތައް ދައްކަން ވަނީ ހަމަޖެހިފަ އެވެ.
ހިތަދޫގައި "މީ ލޯތްބަކީ" ދައްކާނީ އެ އަވަށު އިވްރިވަންސް ލާނިންސް ސެންޓަރު (އީއެލްސީ) ގަ އެވެ. ހިތަދޫ ޝޯގެ ޓިކެޓް މި މަހުގެ 4 ވަނަ ދުވަހު ހަވީރު 4:30 އިން ފެށިގެން ހިތަދޫ "ޕަވަ ޕާކް" ރެސްޓޯރަންޓުން ވިއްކަމުން ގެންދާނެ އެވެ.
ޓިކެޓް ވިއްކަނީ 100ރ. އަށެވެ.
ޓިކެޓް ބުކް ކުރަން ބޭނުންވާ މީހުން، އެކަމަށް ހާއްސަކޮށްފައިވާ ދެ ހޮޓްލައިން ނަމްބަރު 7955243 އާއި 7845584 އަށް ގުޅައިގެން ކުރިއަށް ގެންދެވޭނެ އެވެ.
"މީ ލޯތްބަކީ" އައްޑޫގައި އަޅުވާ އިރު، މި ފިލްމުގެ ފޭސްބުކް ޕޭޖް ޝެއާކޮށްގެން ގުރުއަތުން ހޮވޭ މީހަކަށް ދެ ޓިކެޓް ދޭން ވަނީ ނިންމައިފަ އެވެ.
"މީ ލޯތްބަކީ" އަލީ ޝިފާއު (ޗިއްޕެ) ޑައިރެކްޓްކޮށްފައިވާ ރޮމޭންޓިކް ކޮމެޑީ އެވެ. މީގެ ސްކްރީންޕްލޭ ލިޔެފައި ވަނީ ޗިއްޕެ އާއި އައިޝަތު ފުއާދު ތައުފީގެވެ.
ބޮޑު ކާސްޓެއް ފެނިގެންދާ މި ފިލްމުގެ ލީޑް ރޯލް ކުޅެފައި ވަނީ ޖުމައްޔިލް ނިމާލާއި މަރިޔަމް އައްޒަ އެވެ.