އައްޑޫ އިކްޓޯރިއަލް ކޮންވެންޝަން ސެންޓަރު (އީސީސީ) ގައި ގާއިމު ކުރަން ނިންމާފައިވާ 100 އެނދުގެ ހޮސްޕިޓަލްގެ މަޝްރޫއަށް ހުށަހަޅާފައިވާ އީއައިއޭ އެޕްލިކޭޝަން ފޯމާ ބެހޭ ގޮތުން މަޝްވަރާ ކުރަން ބާއްވާ ބައްދަލުވުމެއް މާދާމާ މާލޭގައި ބާއްވަން ނިންމާފައިވާ ކަމަށް އެންވަޔަރަމަންޓް ޕްރޮޓެކްޝަން އެޖެންސީ (އީޕީއޭ) އިން ބުނެފި އެވެ.
އެތަނުން ނެރުނު ދެންނެވުމެއްގައި ބުނެފައި ވަނީ އެ ބައްދަލުވުން އޮންނާނީ އީޕީއޭގެ އޮފީހުގައި މާދަމާ ހެނދުނު 10:00 ގައި ކަމަށެވެ.
އެ ބައްދަލުވުމަށް ދައުވަތު ދީގެން ބައިވެރިވާ ތަންތަނުގެ ތެރޭގައި އެންވަޔަރަމަންޓް މިނިސްޓްރީ، އައްޑޫ ސިޓީ ކައުންސިލް އިދާރާ، ހެލްތު މިނިސްޓްރީ، މަޝްރޫގެ ކޮންސަލްޓަންޓް ހުސައިން ޒާހިރު އަދި ހައުސިން މިނިސްޓްރީ ހިމެނެ އެވެ.
އީޕީއޭ އިން ބުނީ މި ބައްދަލުވުމުގެ މައިގަނޑު މަގުސަދަކީ އައްޑޫގެ 100 އެނދުގެ ހޮސްޕިޓަލާ ގުޅުން ފަރާތްތަކާ އެކު މަޝްވަރާ ކުރުން ކަމަށެވެ.
ބައްދަލުވުމާ ބެހޭ އިތުރު މައުލޫމާތު 3335951 އަށް ގުޅައިގެން ލިބޭނެ ކަމަށް ވެސް އީޕީއޭ އިން ބުންޏެވެ.
އީސީސީ ހޮސްޕިޓަލަކަށް ބަދަލު ކުރުމުގެ ސައްކަތް ހައުސިން މިނިސްޓްރީން ހަވާލުކޮށްފައި ވަނި އެލިއާ އާ އެވެ.
އެ ހޮސްޕިޓަލް އަންނަ އަހަރު ހުޅުވައި ހިދުމަތް ދޭން ފަށާނެ ކަމަށް ހައުސިން މިނިސްޓްރީން ބުނެފައިވެ އެވެ.